大專生理財101

之前同大家分享過網購慳到盡嘅方法，但淨係網購慳錢唔夠架！就算想去旅行、exchange、學車，長遠黎講，都要有好嘅理財方法同態度去打理自己嘅錢。小編今日同大家分享6招正確理財貼士，就由依家開始啦！

 

1）訂立儲蓄目標

儲蓄不外乎都係洗少啲、量入為出呢啲啊媽係女人嘅技巧，但做唔做到又係另一回事，所以要訂立具體且明確嘅儲蓄目標。
想儲蓄黎做啲咩？學車、去旅行、exchange、working holiday….
所花費金額？
幾時要用？
需要幾多時間達到儲蓄目標？
每月需要儲蓄幾多？
一開始每月儲蓄金額可以由每月收入10-15%開始，之後按情況加大每月儲蓄比率。切忌一開始就訂立過高嘅目標，逼得自己太緊，令儲蓄計劃難以長久維持。當你有一個明確嘅儲蓄目標就會有動力實行。
 

2）記錄收入及支出

啱啱講到抽每月收入10%-15%用作儲蓄，首先你要知道自己每月收入金額，先可以訂定儲蓄金額。再者，了解自己嘅消費狀況，善用理財App記帳，記得將支出分門別類，記錄自己將錢用咗喺邊到，以便調整日常開支同儲蓄目標。
 

 

3）善用信用卡獎賞

用信用卡乜唔係會「先洗未來錢」咩？其實只要你識得慬慎同控制自己，好好善用信用卡比錢，一樣有好處！例如信用卡達到一定簽賬額就可以獲得獎賞同回賺，仲有現金回贈、購物優惠，留意有啲商店可以儲分。
 

4）留意優惠

上面講到信用卡優惠，喺生活入面有大大小小嘅開支，留意優惠可以令你用最抵嘅價錢去購買產品，不過就要喺日常花少少功夫，花時間上價格優惠網、拎promotion code、搶平機票、喺優惠期間先購物等等。
 

5）準時清還卡數

呢個絕對緊要啊！如果因為時間觀念問題，過咗信用卡還款限期就要罰款加上利息。所以準時清還信用卡卡數就可以避免不必要嘅洗費。