大專生理財101

“好多人認為財經唔太關自己事，但其實，你唔搵財經，財經會自己黎搵你。想更清楚呢個世界每日發生緊咩？點樣可以幫自己搵啲零用錢？咁就要入黎睇啦。” Kenzie Lee
自2017年9月底起，新股市場持續亢奮，唔少人都想抽新股湊湊熱鬧，抽中首日就放售，但其實咁樣係賺唔到錢架。點解？因為你未學識計股票打和點！

要賺錢，首先要知自己要比幾多成本。股票成本，即係入場費。
＊（一手股數 X 股價）＋手續費＝入場費。
手續費包括在內的1%經紀佣金、0.0027%證監會交易徵費及0.005%聯交所交易費=~1.008%
＊打和點＝認購新股的所有成本 / 獲分配股數。
 
唔少人抽中新股首日就會放售，咁自然要比一般沽出股票嘅費用，包括經紀佣金、成交金額0.1%嘅印花稅、成交金額0.0027%嘅交易徵費、成交金額0.005%嘅交易費。
有啲銀行都將經紀佣金設有100元嘅「最低消費」，券商經紀嘅佣金大多係$100樓下。七除八扣後，新股「一手黨」隨時冇肉食。
 
以本月14日上市嘅「天仁茗茶」香港特許經營商賓仕國際招股 (01705) 為例，股份以近上限1元定價。
如果投資者抽中一手4000股，入場費為：
→ $1×4000股＋$1×4000股x1.008%＝ $4,040.31

假設其他成本包括（經銀行申購為例）：佣金: 1.25%至1.4% , 「最低消費」$100
→ $100（認購手續費）＋ $100（包括佣金在內嘅沽出費用）＋ $30（部分銀行收取證券存入費）＋ $25（部分銀行收取證券保管費）＝$255
→股價打和點： $4,040.31＋ $255 / 4000股＝ $1.074
即投資者需在 $1.08或以上（較定價升最少7%）沽貨才是真正有賺架。