校園Guide

2020終於要走啦！今年真係對全球黎講係好不幸嘅一年。。。因為哩個疫情，大家都要長期戴住個口罩，街又唔敢岀，翻工翻學又變哂online learning/ work from home，對我地每個人嘅生活真係好大影響！雖然我地面對住疫境，但我地都用咗唔同嘅方式去應對！而2021年就到啦，我地係時候訂立新目標迎接新一年！

 

係訂立目標之前，小編建議大家先做一個回顧，過去一年，你達成咗咩目標令你得到滿足感？你有咩做得未夠好？想未來做得更好？然後隨住唔同方向，去訂立可行、可量化或帶有時間性嘅目標！

 

1/ 自身目標

嚟到新一年，不妨諗下自己以後想要點嘅生活，去發握自己嘅興趣，學習新事物增值自己。如果對攝影有興趣就可以學下影相、執相；如果對美容有興趣又可以學下護膚、gel甲等等。只要你有心學，學咩都唔怕遲！除此之外，都可以諗下自己有咩小毛病想改，例如你成日遲到或者有拖延症問題，新一年你可以好好Set個目標，提自己唔好再犯！另外你都可以培養習慣，例如做運動、閱讀，哩啲往往係我地都市人好容易忽略嘅一環，趁新一年嚟培養新習慣！

 

2/ 學業目標

雖然好多人都話過咗海就係神仙，但當你入到大學你就會發現「唔係咁易㗎，葉師傅」！如果你想係學業上有一定成就，就一定要比個目標自己，例如下個Sem GPA要過3，甚至First hon grad。如果對學業方面唔係太高要求，都可以將個定位放低啲，有second class都好。不過小編曾經聽過，當人set完目標之後，往往結果都係會打個八折，唔知你又會唔會呢？所以我嘅建議係放遠啲個目標，然後盡力去做！

 

3/ 職業目標

入到大學，你開始會諗下規劃下第時條路點行，你讀緊個科，又係唔係你第時真係想做嘅嘢呢？哩個時候，你可以set個目標係搵唔同嘅intern/翻part-time等等。你亦可以比自己有個循序漸進嘅方向。例如，你本身已經好有雄心壯志要入大公司做，咁你點先可以得到哩個工作機會？首先就係要靠做intern累積經驗，慢慢儲靚自己個CV同portfolio，咁先有機會得到寶貴嘅面試機會㗎嘛！

 

4/ 財富目標

可能係大學生階段嚟講，洗錢重多過自己翻part-time賺錢。但係部份精明嘅同學仔，一早就已經訂好個儲錢計劃，留待第時創業時候用，成就佢嘅發達大計！所以你重等緊咩？訂立一個可行嘅目標，幫你一步步邁向財富自由！

 

最後，無論幾多個目標都好，最緊要就係坐言起行，唔好得個講字呀！新一年，我地一齊比啲掙扎！為左迎接更好嘅2021年，我地準備左一份禮物比各位同學仔！有興趣記得Click入下面個Ads! Follow Ufinance IG再Click入 IG Bio 條link拎禮物啦！