Exchange Guide

到英國倫敦當然想玩得盡情又開心，但係見到倫敦物價咁貴又要卻步。想舒服睇景點，同時又想更了解到呢座城市的故事？以下就有四款去倫敦必備的旅遊慳錢券，令你玩得又抵又快又開心！

(一) 倫敦觀光巴士通行券

由Big Bus Company所經營嘅雙層露天觀光巴士提供倫敦觀光巴士通行劵！而且唔限乘搭次數，大家可以係鍾意嘅景點落車，參觀完之後又再上車去下一個目的地，而且仲有60 多個車站，方便你上落車去唔同地方。而條巴士路線分別有四條，包括藍線、紅線、橙線、黃線。車上提供咗 8 國語言語音導覽， 仲提供免費 wifi！方便哂各位一邊影相一邊upload上Instagram。
以下就四條巴士路線嘅簡介供大家參考：藍線 （ The Essential Tour ）：最多人選搭的巴士路線，路線大多以倫敦市中心主要景點為主，例如白金漢宮、倫敦眼、倫敦鐵橋等，車上更有中文語音導覽服務。紅線（ The Classic Tour ）：同樣圍繞倫敦市中心主要景點，而車站大多數鄰近倫敦的博物館。橙線（ The Grand Tour ）：經國王十字車站、杜莎夫人蠟像館等經典倫敦景點。黃線（ The Pick Up/Drop Off Route ）：只供上午可以搭乘的路線，主要服務範圍為倫敦市至中心的飯店區。

(二) London Pass

持有London Pass除了可以免費入場大部分的景點之外，仲可以當Fast Pass咁樣用！令你唔需要排咁耐隊，用專用通道入場就可以入去景點，例如倫敦塔、倫敦橋同西敏寺等等。不單止慳錢仲慳埋時間！不過要留意嘅係，London Pass係要連續使用，姐係你唔可以今日用完，後日先再用，所以景點安排要小心啦！

(三) Royal Pass

唔少人聽到英國就會諗起皇室，而Royal Pass就可以提供更便宜嘅價錢去參觀肯辛頓宮、懷特霍爾宮等等的皇宮，但每間公司提供的參觀地點都不同，所以要小心格價和安排。如果同你有購買London Pass的話，要留意會否與Royal Pass的景點一樣！

(四) London Eye Fast Pass

London Eye係全球最大嘅摩天輪，唔少人睇到倫敦嘅post card都可能會見到佢。但正正因為咁熱門，所以經常大排長龍。同樣地有London Eye Fast Pass就可以唔洗排，但要留意雖然可以指定入場時間，但計劃行程時要預留交通時間。

• uFinance為您準備去倫敦錦囊包：
  今日英鎊滙率係幾多？：https://www.xe.com/
  仲未搞英國簽証？：http://www.vfsglobal.ca/
  喺倫敦發生緊急情況？：https://www.gov.hk/tc/residents/immigration/outsidehk/