理財Guide

大學生窮就不在話下，學費又貴、住宿又貴、食野又唔喺特別平。打工就只得補習依啲flexible嘅工岩，平日都要番學，邊度有時間啊。所以成日入不敷出，我只能講句「I know that feel, Bro」。嗱，小編我就整理咗5個入門理財妙法出黎。

1. 開兩個銀行戶口

依個應該係最簡單，零成本，最有成效嘅方法。一個開黎儲蓄，一個開黎存起一個月限定嘅洗費。最好喺兩間唔同架啦。當你見到個結餘愈黎愈少嘅時候，你就知：「今次hihi了，月尾餐餐麵包不是夢了。」
小編用咗依個方法之後，固然食咗好多餐麵包，但係又真喺冇洗凸架喎。（其實喺因為太懶，唔想排第二間銀行ATM）當然如果試行咗一個月之後發現有錢剩，就可以累積到下個月洗啦！
 

2. 豬仔錢罌大法

摸下褲袋，成堆硬幣，翻到屋企實亂放，喺咪先？
小編我就有個習慣，買咗個靚靚錢罌，將啲「銀仔」放入去，每個月清一次。閒閒地都有成一百蚊架，到時你可以簡洗咗佢，或者去銀行唱紙幣儲起。儲錢就係咁，積小成多，就好似老泥咁！（誤）
 

3. 盡量唔用信用卡

小編諗，好多人申請信用卡都喺因為佢地啲優惠，好似睇戲、食飯咁。其實正正因為咁，你以為你慳緊錢，但喺事實上你去多咗睇戲、食多咗好西、消費多咗。
每次以為就出糧，點知又要拎去找數⋯⋯ 所以如果你真喺想慳錢，就應該盡量唔好用「先洗未來錢」嘅信用卡。
 

4. 理財周記

反思都喺理財重要嘅一環。小編建議每日分四大categories寫低洗費—-飲食、娛樂、交通同其他。大學生通常嘅洗費都不外乎依幾樣。
Set好特定Proportion，例如：飲食：50%，娛樂：20%，交通：20%，其他：10%
小編我就習慣畫Pie Chart，睇下邊度洗多咗，下個月洗少啲。
 

5. 留意周邊唔同優惠

Facebook、Instagram⋯成日都會有唔同優惠嘅消息，小編見到心頭好就會Bookmark咗先，都會Like唔同優惠Page 。就好似我哋個Page咁～（小編：唔好打我）
有陣時百佳惠康有日常用品買一送一優惠，就會同朋友夾份買，慳啲慳啲咁都幾Work架。記住依個方法只限日常用品啊～
大時大節，想慶祝下、睇下戲，都可以嘅。