【注意】大學生抽居屋原來綠表要除名？︱ uFinance 大專學生資訊貸款平台

理財Guide

【注意】大學生抽居屋原來綠表要除名？

Kenzie Lee | 31/05/2019

相信唔少讀緊書嘅同學，都有計劃出黎做野之後，自己搬出去獨立生活。而如果你想計劃置業，就要依家開始為自己打算啦。覺得私樓太貴、呎價定價太高嘅話，可以留意下新一期4個居屋項目合共提供4,431個單位，係復售居屋後單位最多嘅一次，3月底開始接受申請。對詳情有興趣就要睇埋落去啦。

抽到就要刪除公屋戶籍?

同父母同住公屋單位嘅你如果想抽居屋，就要以綠表申請。但抽中左就有機會比政府收返公屋。所以想保住父母嘅公屋，你可以用白表以自己名義申請，抽中左再將自己係公屋住戶名單上刪除戶籍。至於公屋名單少左人，就有可能要大屋搬細屋。

綠表 VS 白表

綠表 = 公屋住戶

一屋換一屋嘅道理，政府為左收返公屋，比公屋户申請嘅居屋單位通常會多啲。綠表申請人買到居屋的機會比白表申請人高啲。無論買一手或二手居屋，都無需補地價。而最大嘅好處係就有房委會做擔保，可以做95%按揭！換言之，如果要買一層500萬嘅居屋，綠表人士只要拎25萬做首期就可以上車。

白表 = 冇住宅物業申請人，只要入息同資產合符條件都可以申請。

過往推出新居屋時，只有少數配額預留比白表申請人。新一期居屋綠白表申請者配額比例方面，同過往唔同，維持於50：50。單身人士申請人，有400個單位，即大約佔今期居屋嘅9%，綠白表各佔一半。如果所有家庭申請者揀完樓後，仲有多過100個單位剩，都會以50:50的比例，全數分比綠表同白表的單身申請人選購。

額外資訊:「白居二」恒常化

政府推出「白表居屋第二市場計劃」恒常化之後，今年「白居二」有2500個配額將會同新居屋一齊推出，白表人士都可以免補地價買二手居屋單位！家庭與一人申請者嘅配額比例係9:1。而申請人可以選擇居屋、「白居二」或者同時申請兩個計劃。同時申請可增加中籤機會啊！
雖然單人申請好難抽中，不過政府計劃將「白居二」恒常化，供應多左，多左個選擇，成功率都大D，對於大學畢業冇耐嘅fresh grad都係一個上車嘅選擇。