搵工Guide

上一篇談到HR 不能說的秘密《噓⋯HR不會話你知的事》，這篇就說說如何可以化解這些難題，以防面試時中伏！

危機一：轉工轉太密，印象大減分？

但凡見到求職者成日轉工太頻密，印象分大打折扣，當然一方面會質疑求職者係咪真係有心做。而如果你真係咁轉工轉得密嘅話，就只好去面試之前整理一個好聽兼合理的「辭職理由」。無論邊個理由都好，記得唔好表現出你自己嘅工作表現欠佳、意氣用事同埋對工作缺乏承擔！當然，無咩事都唔好成日轉工，做好自己職業生涯的規劃啦！

危機二：個個都一樣，悶到唔想聽！

HR哥哥姐姐都係人，每日都可能會見到好多嘅應徵者，分分鐘覺得好無聊。如何突圍而出呢？自我介紹時試抓著重點，限自己三十秒至一分鐘內講完。講嘢嘅時候盡量捉住重點，簡短而精煉嘅回答，絕對會馬上令HR更有心機去聽。講野唔好轉彎抹角或者冗長，直接捉重點講。

危機三：Social Media分分鐘令你中伏！

唔講你都唔知，部分HR真係會透過facebook等social media去了解應徵者！不妨睇睇自己有無設定成公開，比人睇到哂你D野。所以管理好自己社交媒體，唔好掉以輕心！

危機四：考驗你EQ，咄咄逼人！

要知道唔係每個HR都會好友善咁對你，部分工作可能要求應徵者EQ要高，面試時HR或會對應徵者態度極差，甚至不斷咄咄逼人。呢個時候千萬唔好怯，怯你就輸啦！不妨試下保持自己嘅呼吸，自我催眠放鬆，放鬆聲線。