搵工Guide

最近有好多公司都轉用Zoom或者其他App面試，平時用Zoom上堂上得多，但係去到面試就完全係另一回事。你有可能會遇到唔同技術性問題，間接影響你嘅見工表現。同學仔可以參考以下5個Zoom Interview嘅準備Tips，順順利利攞到offer！

1. 1. 搵個乾淨嘅背景

平時上堂嘅時候可以用Virtual Background遮住屋企嘅亂況，不過virtual background有時候會識別得唔好，會遮住你個樣，或者遮唔到部分背景，有機會令面試官分心。想避免呢種情況，最好都係喺屋企搵幅乾淨嘅牆，或者係已經執乾淨嘅角落進行面試，咁面試嘅時候就可以專心迎戰，唔需要擔心背景會影響印象分啦！

1. 2. 練好Eye Contact

面試官喺Online interview嘅時候會特別注重眼神接觸，大家要訓練好自己嘅鏡頭意識，發言嘅時候一定要望鏡頭，不時望吓面試官嘅表情同反應，等面試官感覺佢係直接同你溝通緊。

1. 3. 試清楚個耳筒同咪

唔同公司會使用各種通訊軟件進行online interview，而每個軟件嘅音訊設定都唔同。同學記得每次面試前都要試清楚耳筒聲量同埋收音係咪清楚，確保自己嘅發言清晰流暢。最好準備多一兩個運作正常嘅耳筒，出問題嘅時候可以立即替換。

1. 4. 準備好Cheat Sheet

Online interview嘅好處就係可以出cheat，將準備咗嘅資料整成cheat sheet，萬一唔記得想講咩都可以偷睇。不過記得要將cheat sheet放喺鏡頭附近，唔好低頭睇notes，俾面試官覺得你眼神飄忽呀！

1. 5. 留意網絡狀況

作為卑微嘅求職者，確保網絡穩定係我哋嘅責任。準備面試嘅時候，要用網上Speed Test試清楚屋企邊度網速最快最順暢。如果怕wifi會斷線，可以直接駁LAN線。貼心嘅你，面試開始嘅時候，當然要問吓面試官睇唔睇得清楚，如果有問題嘅話就即刻換位置。
祝各位同學仔喺市道艱難嘅時候，仍然可以搵到荀工！

延伸閱讀：

【Freshgrad練功!】點樣喺屋企提升競爭力？(硬實力篇)

【唔做水魚】5個你要知道嘅求職陷阱

【Last day留低好印象！】Intern散水餅推介

【搵工入門】Aptitude Test大解剖