搵工Guide

新手求職最容易中伏，無論搵Full-time又好Part-time又好，都有機會中伏。所以今日就同各位準備求職嘅同學仔分享求職時要注意的5大事宜，等大家都有個譜，唔好咁容易墮入各式各樣嘅求職陷阱！

---

1.小心睇清招聘廣告

如果見到心儀嘅職缺，唔好心急住！先係網上搜尋一下相關公司嘅資料，確保公司信譽係可靠先Apply，以免遇到不合法嘅公司而墮入求職陷阱。

建議參考Glassdoor等由員工為公司評分嘅網站，就可以更透徹地了解到公司職位嘅情況係點～

 

2.面試時要提高警覺

在面試的過程中，求職者都要提高警覺，例如要留意HR所描述嘅工作係咪同招聘廣告所寫嘅內容一樣，或者對方有冇用以眾會一的方式會面，例如五個人見你一個，大包圍式嘅游說等等。如過覺得又任何唔妥，就應該即時搵方法儘快離開。

 

3.仔細檢查合約內容

獲聘後，通常都會簽訂僱傭合約，所有條款都會寫係合約上面。記住要小心仔細檢查，先好簽。如過發現有任何問題都唔好唔出聲就勉強簽，一定要進一步求證及確認，咁先可以保障自身嘅利益。

4.唔好繳交任何款項

如果對方要求你繳交任何款項，一定要問清楚有關用途，如過覺得唔合理嘅，就應該拒絕繳交。另外，係一般的求職過程中，公司係唔會向求職者提出付款嘅要求，亦都唔會要求員工承擔營運成本。

 

5.唔好隨便交出個人重要資料

重要資料如身份證明文件及副本、銀行賬戶號碼、銀行提款卡及信用卡等，都唔應該隨便交比其他人。