搵工Guide

香港依家每日確診數字好高，有唔少公司都已經轉成Work From Home，所以見工面試亦都會有好大機會轉成Online。今日就同Fresh grad搵工嘅你分享5個網上面試貼士，等大家做好準備面試！

---

1.唔好只著上半身

好多人都貪方便，覺得網上面試唔會見到全身，所以就淨係換上半身嘅衫，而下半身就繼續著睡褲。但係萬一有啲咩事要起身處理，到時就尷尬啦！

 

2.預先了解面試的公司

面試前先了解你即將面試嘅公司以及你所申請嘅職位，呢啲基本野一定要做！可以令HR知道你有花時間認識佢哋嘅公司，顯得你更有誠意，咁你就更有機會突圍而出！

 

3.唔好望貓紙照讀

好多人都覺得網上面試對方睇唔到你做緊咩，就準備定貓紙，寫低曬自我介紹同一啲預備好嘅問題答案，諗著到時照讀就OK。但其實你偷睇貓紙會令到你眼神飄忽，對方好容易發現㗎！就算真係寫貓紙，都記得寫Point Form就好，而且唔好平放係檯面，以免低頭望嘅時候被發現～

 

4.要望下鏡頭有眼神接觸

係面試的時候，如果你望住屏幕中的面試官，其實你並冇直視鏡頭，面試官就會覺得你缺乏眼神接觸，所以要周不時望下鏡頭，同面試官有眼神接觸。

 

5.唔好係公共地方進行面試

有好多人屋企好亂，都會選擇去cafe進行網上面試。但係公共地方始終比較嘈，比較多雜音。最好都係留在屋企，係比較靜嘅環境進行面試。