搵工Guide

以前流行講星座，而家就習慣乜都講MBTI先。除咗識朋友拍拖要睇MBTI，其實搵工都可以根據MBTI去搵返份啱自己嘅職業架！想知道咩行業會啱自己多啲？快啲睇埋落去啦！（今次會focus係8種E型人格先，I嘅朋友仔要等一等先！）

 

MBTI係一個16型人格嘅test，可以得出強弱項等性格，以及人際關係上嘅特點，未知自己MBTI係咩就快啲做下test先啦！

》》》MBTI TEST 傳送門

 

簡單而言，MBTI嘅傾向展示咗四方面嘅差異。

動力來源：注意力集中喺邊，從邊到獲得精力【外向 E — 內向 I】

認識世界：點樣接收資訊【實感 S — 直覺 N】

判斷事物：點樣做決定【思考 T — 情感 F】

生活態度：做事方法【判斷 J — 知覺 P】

 

所以總共有16型人格類型：

1)  ESTJ 大男人型 Executive
2)  ESTP 挑戰型／企業家型 Entrepreneur
3)  ESFJ 主人型 Consul
4)  ESFP 表演型 Entertainer
5)  ENTJ 將軍型 Commander
6)  ENTP 發明家 Debater
7)  ENFJ 教育家 Protagonist
8)  ENFP 記者型 Campaigner
9)  ISTJ 公務型 Logistician
10)  ISTP 冒險家 Virtuoso
11)  ISFJ 照顧型 Defender
12)  ISFP 藝術家 Adventurer
13)  INTJ 專家型 Architect
14)  INTP 學者型 Logician
15)  INFJ 作家型 Advocate
16)  INFP 哲學家 Mediator

 

今日先講咗頭8種人格先！！

1）ESTJ 大男人型 Executive

性格強項：

– 盡責

– 有較強大嘅意志去完成要做嘅事，唔會輕易放棄

– 為人直接誠實

– 有良好組織能力，可以公平、客觀地向他人分配任務同職責

性格弱點：

– 比較固執，堅守傳統

– 佢地自己創造秩序嘅動力常常擴展到身邊所有事物同每個人身上

– 佢地難以表達情感，缺乏同理心，有時候會過份苛刻

 

職場表現：

ESTJ 通常都有好清楚明確嘅career path，佢地忠誠嘅性格令佢地較長時間跟同一個僱主，多鍾意喺制度健全、等級分明、比較穩定嘅企業工作，執法部門、軍事部門、醫院、著名律師事務所。

ESTJ具有領導固有嘅好多特徵，無論邊一個行業通常都會得到認可。佢地會組織別人，清楚咁表達自己嘅原則、價值觀、期望，因此，ESTJ係非常有效嘅管理者。

ESTJ討厭混亂、無能、懶惰，尤其唔誠實，當工作環境有發生以上情況，佢地會表達出不滿意。對結構和縝密嘅熱愛使ESTJ能夠按時、按預算記錄準確、完整咁工作，係一個好自然嘅審計師、業務管理員，而任何呢類角色都係絕佳選擇。勤奮工作同自我激勵都係ESTJ其中一個強硬嘅原則，令佢地可以成為出色嘅銷售代表，會堅持完成。

 

適合工作類型：企業主管、管理層、政府部門、軍事部門、律師、審計師、保險

代表人物：希拉里

 

2）ESTP 挑戰型／企業家型 Entrepreneur

性格強項：

– 大膽，從突破界限同發現新事物中得到樂趣

– 理性務實，熱愛知識

– 鍾意嘗試新嘅想法同解決方案，直接

– 有敏銳洞察力，利用觀察同人建立聯繫，善於交際

性格弱點：

– 無咁sensitive

– 缺乏耐性，難以長時間專注，容易急躁，會喺未考慮長期後果嘅情況下進入未知領域

– 好多穩定又乏味嘅入門級工作，佢地會無法忍受

 

職場表現：

由於ESTP好有活力，鍾意挑戰，佢地無法接受沉悶穩定嘅工作，充滿限制、規則、有高度結構化嘅環境都會令佢地發癲。佢地活在當下，享受努力得來嘅成果，亦即係享受體育競爭嘅快感，將自己推到極限，只為贏得更多分數，無論係作為運動員自己參加比賽定場外指導，定作為高層進行評論，具有ESTP個性嘅人鍾意訓練有素嘅團隊合作精神同良好執行計劃。

佢地會按照自己嘅條件生活，都可以幫助佢地成為出色嘅商人同自由職業者。ESTP嘅個性會相信自己能夠做出正確嘅選擇，無論大小、風險都是生活一部分。佢地亦識得將工作中比較繁瑣嘅部份，例如會計、細緻研究等委託比更適合嘅人。

ESTP咁有行動力，相對後勤工作，佢地會寧願做前線，一目了然咁採取行動，佢地有好高嘅觀察力而不耐煩。無論作為醫護人員定警務人員，任何需要應急響應嘅工作都對ESTP好有幫助。

ESTP無論去到邊都會結交朋友，所以佢地有好強嘅人際網絡，社交智慧加上有膽識同即興技巧，非常適合進行銷售、商務談判、marketing，甚至任何緊張嘅競爭環境中「演戲」。

 

適合工作類型：娛樂、體育、藝術、銷售、marketing、服務業、貿易、金融證券業、醫護人員、自由工作者

代表人物：特朗普

 

3)  ESFJ 主人型 Consul

性格強項：

– 較強實踐能力

– 有責任感，努力履行自己嘅義務

– 非常忠誠，重視穩定性同安全性，渴望保持現狀

– 敏感熱情，同人和睦相處，關心其他人感受，唔會冒犯或傷害人，留意身邊嘅人有無受到照顧

性格弱點：

– 過於看重社會期望，可能會限制咗創造力同開放性

– 批評非常規或者主流以外嘅事物，有時可能會過分推崇自己嘅信念，唔願創新，不願意走出confort zone

– 通過其他人嘅關注去確立自己的價值，太需要人讚賞，面對比人批評，會覺得受傷同defensive，久而久之忽略自己嘅需求

 

ESFJ會將工作組織得井井有條，為工作場所帶嚟秩序，並且通常喺具有清晰可預測嘅結構同工作環境中表現最好，樂於做單調同非挑戰性嘅日常工作。

ESFJ適合做管理，不但可以組織環境，而且可以組織埋同事。佢地有實踐技能同可靠，驅使佢地可以成為會計師，直接同人互動，而唔係喺後台進行數字處理嗰種會計師。

對於ESFJ而言，純粹分析性嘅職業通常過於乏味，他們需要人際交往同情感反饋，先真正滿足佢地嘅工作要求ESFJ雖然無私但很難滿足，除非佢地知道自己為其他人做咗有價值嘅事情成為佢地職業發展嘅動力。佢地係善於傾聽同熱情嘅團隊成員，可以喺醫療、社會工作、教育發展、宗教工作、諮詢發展特別有意義。

 

適合工作類型：醫療、社會工作、教育發展、宗教工作、諮詢

代表人物：Taylor Swift

 

4)  ESFP 表演型 Entertainer

性格強項：

– 大膽，想體驗一切，樂意走出comfort zone

– 個性鍾意嘗試新風格

– 有美學同表演技巧

– 好強嘅社交能力

性格弱點：

– 情緒強烈，受到批評會覺得自己陷入困境，反應會唔好

– 完全忽略問題以避免衝突

– 輕鬆無聊，成日有冒險行為，自我放縱

– 好少花時間安排計劃同後果，難以專注

 

職場表現：

要同其他人合作嘅工作都適合ESFP，獲得快樂同有生產力係好重要，他們希望見到混亂，同一班朋友一齊度過難關。可以擔任活動策劃者、銷售代表、旅行計劃者、導遊，佢地會同顧客之間產生興奮、刺激、新穎嘅感覺。

ESFP鍾意真正同其他人相處並了解佢地，可以做到一個出色而鼓舞人心嘅顧問、社會工作者、私人教練，可以提高員工或客戶嘅滿意度。佢地喺急需幫助時能以機智同熱情嘅態度作出回應，因此他們造就了出色的醫療專業人員，尤其是作為EMT、護理人員、護士。他們迅速獲取信息，直接了解問題嘅實質。

同時ESFP具有豐富創造力，好多人喺音樂、時尚、攝影、室內設計方面建立起令人滿意嘅職業，有最佳審美意識同自己嘅風格。專注於公正、同數據有關嘅決策工作對於ESFP係痛苦嘅，大多數情況下，技術寫作或者數據分析等職業並唔適合佢地，佢地需要自由、新穎，尤其是人與人之間嘅聯繫。

 

適合工作類型：音樂、時尚、攝影、室內設計、活動策劃者、銷售代表、旅行計劃者、導遊、醫護人員

代表人物：Leonardo DiCaprio

 

5)  ENTJ 將軍型 Commander

性格強項：

– 做事有效率

– 精力充沛

– 自信，信任自己的能力

– 意志堅強，幾艱辛都唔肯放棄

– 能夠鼓舞同激勵其他人

 

性格弱點：

– 唔支持任何會干擾佢地主要目標嘅想法，甚至唔支持基於情感考慮嘅想法

– 唔耐煩

– 尊重快速嘅思想和堅定嘅信念，鄙視唔相稱嘅人

– 會無意中傷害伴侶同朋友

– 追求目標時，會忽視個人情況，變得極度不敏感，冷漠無情

 

職場表現：

ENTJ嘅勇氣同動力係值得欣賞，又有遠見，適合擔任組織或團隊受人尊敬嘅領導者，行政職位和企業家都係十分理想嘅工作方式。

ENTJ唔希望失敗，會計劃、制定戰略以實現目標，著重結構同秩序，實際又善於擔任用腦同推理工作。唔想有人草率，或者無能、懶惰、無能為力而令事情失敗，所以會為自己同他人制定嚴格標準，適合當律師、法官。

唯一問題係，佢地需要時間先被認可，因為屬下員工可能會令佢地離開或者唔滿意，ENTJ渴望領導、責任、成長、機會，並且真正享受管理其他人去完成工作。另外亦渴望知識，可以嘗試做大學教授。

 

適合工作類型：律師、法官、管理、教授、學者、市場研究分析員

代表人物：Steve Jobs

 

6)  ENTP 發明家 Debater

性格強項：

– 有好多知識，好少放棄學習新事物，尤其係抽象概念

– 頭腦非常靈活

– 唔依賴傳統

– 自信，敏銳思維

– 精力充沛

性格弱點：

– 經常誤判別人的感受

– 對人唔寬容

– 難以集中註意力

– 唔鍾意實際問題，涉及到硬性細節同日常執行就會無與趣

 

職場表現：

ENTP好幫得手，佢地個性類型並非帶比人以人為本嘅幫助，而係著重於開發解決有趣而且多樣化技術同智力問題嘅解決辦法，會設計新方法、新想法、新項目，突破創造力限制嘅環境。喺書面文字，尤其面對面交談中，ENTP都有優秀嘅溝通。雖然ENTP唔喜歡管理人同被管理嘅限制，但佢地有適應力，可以成為領導者，以合理嘅邏輯同智慧去激勵他人

最好嘅職業會獎勵知識分子嘅能力和好奇心，令ENTP自發地從事知識追求，佢地非常重視知識、理性思維、洞察力，造就出色嘅律師、心理學家、系統分析師、科學家。 ENTP甚至有可能做到銷售代表。

ENTP知道佢地被允許充分運用知識去理解、解決感興趣嘅問題，而唔會被社會政治所束縛，死板嘅日常、結構、形式規則對於ENTP都係不必要嘅障礙，可能會發現最佳嘅職業係允許以自由顧問或軟件工程師嘅身份從事知識追求。

 

適合工作類型：軟件工程師、學者、律師、心理學家、系統分析師、科學家、銷售代表、創業家

代表人物：憨豆先生

 

7)  ENFJ 教育家 Protagonist

性格強項：

– 寬容，傾聽其他人意見，有利他主義

– 可靠

– 知道點樣吸引人，理性又得，有情感又得

– 通常會喺其他人要求下最終擔任領導角色

性格弱點：

– 過於理想主義

– 太無私，將人地嘅問題當成自己嘅事

– 過於敏感

– 如果他們唔能夠實現目標或者無法幫助想幫嘅人，自信心會下降

 

職場表現：

ENFJ好鍾意幫人，利他職業，例如社會工作、宗教工作、教學、輔導、諮詢會受歡迎，可以幫助他人學習、成長同變得更加獨立。呢個態度，加上佢地嘅社交技巧、EQ同成為「每個人都知道嘅人」嘅傾向，可以適應好多職業，成為人力資源管理者、事件協調員、政治人物，一切都有幫助一個社區或組織。佢地得利於自己口頭表達嘅天份，願意成為出色嘅傳播工作者。

ENFJ識得誠實地表達自己，從某種理想主義嘅角度擔任銷售代表、廣告顧問，了解客戶需求，並努力做到令人更快樂。鍾意對人工作，唔擅長做決策。

ENFJ好積極進取、多才多藝，會將自己專注於當下工作嘅壓力，有成功嘅決心。ENFJ都好睇事情結局，感受同體驗比佢地幫助嘅人對佢地表示嘅感謝同讚賞。面對為時已晚以至於無法提供幫助嘅時候會影響佢地敏銳嘅心靈，尤其係努力過後受到批評。

 

適合工作類型：社會工作、宗教工作、培訓、諮詢、教育、輔導、新聞傳播、公共關係、文化藝術

代表人物：奧巴馬

 

8)  ENFP 記者型 Campaigner

性格強項：

– 好奇心強

– 觀察力強

– 充滿活力和熱情

– 好強人際交往能力

– 知道點樣放鬆生活

性格弱點：

– 實踐技能差

– 好難集中注意力

– 過度思考

– 太情緒化，特別係面對壓力、批評或衝突下

 

職場表現：

即使ENFP佢地會自己探索新挑戰，但都能夠同其他人合作，探索他人嘅觀點，並收集新嘅見解。

ENFP擅長於將邏輯應用於系統或機器，但具有ENFP個性類型嘅人仍可以使用其獨特的社會感知力，應用於人嘅互動。心理學、諮詢、教學、政治、外交、偵探工作等任何人類科學或服務都適合。

ENFP會質疑現狀，佢地需要感覺自己正在突破界限並探索想法，應該專注於鼓勵呢一點興趣嘅職業。最好嘅前進方法係將自己確立為企業家或者顧問身份，開拓自己嘅路，運用自己人際關係技巧，就可以成功。

 

適合工作類型：心理學、諮詢、教學、政治、外交、偵探工作

代表人物：克林頓

 

下一次就會講埋ISTJ 公務型 Logistician、ISTP 冒險家 Virtuoso、ISFJ 照顧型 Defender、ISFP 藝術家 Adventurer、INTJ 專家型 Architect、INTP 學者型 Logician、INFJ 作家型 Advocate、INFP 哲學家 Mediator。