搵工Guide

Freshgrad／Intern BB想返工得到老細歡心，難免都會想獻吓殷勤博取得上司歡心。不過職場同返學識朋友好唔同，日日朝見口晚見面一定好多細微位會比人捉到痛腳。想係職場隨時隨地都得到大家喜愛，就要留意以下3個加分位，其實好輕鬆就可以做好架啦！

 

一，唔好刷鞋

嗱嗱嗱～ 係職場上面的確係需要啲溝通技巧，但喺千奇唔好做刷鞋仔（Brownnoser）喎！
你諗下，新人一個未打熟關係就亂咁奉承人，啲Senior一定覺得你係度爭皇帝寵～小編就建議，係食飯果陣留意下有咩共同話題，籍機吹下水，Build Up下關係。自然令人有「你好識做」、「你好Nice」嘅好印象！

二，辦工桌企理

雖然有人講，通常枱愈亂嘅人就會有完美主義。但係辦工桌的印象對腦細黎講，會係睇你有冇個人風格，係咪一個Well－Organized嘅人！尤其是係創意行業！台灣一間設計誌（Pinkoi）就有一個Post係分享同事嘅桌面，個個都好有Style同創意！有興趣可以睇下：「Pinkoi 辦公室同事桌面大揭秘！」
唔洗一定好有個人風格，但係起碼整齊，冇垃圾！小編Suggest可以買個Month Planner放係枱度Mark下野！腦細見到實對你另眼相看～

三，外表整齊

個人外表唔係話要靚仔靚女，但係At Least唔好好似岩岩訓醒，隻眼仲有一舊眼屎咁，腦細叫到都嚇親啦～男仔要剃鬚，女仔梳番好啲頭髮，先至夠Sharp醒架嘛！Fashion依味野，小編都唔識。但係99.9%嘅腦細（根據小編非正式統計），都比較鐘意員工著一啲半Formal、素色系嘅衫，話會有種「易相處」嘅仙氣出哂黎～