搵工Guide

對於year 3-4嘅同學，除咗忙住點樣可以努力爆GPA追番以前嘅成績之外，有唔少同學都會開始諗究竟應唔應該Defer一年去返full-time internship呢？雖然返full-time intern可以幫到自己砌靚份CV，但又驚遲咗一年畢業冇得同啲同學一齊，又要重新適應。不如等小編今次同你拆解一下究竟應唔應該Defer啦！

 

返Full Time Intern嘅優點

長時間實踐經驗

喺近年好多公司都開始增設一年嘅full-time intern ，佢哋嘅position同埋job duty都比平時返三個月嘅summer intern吸引，因為internship嘅時間長，所以普遍會比更多嘅實踐機會同學，從而更加有機會去接觸行業同埋去磨練自己嘅技能。例如以最出名嘅L’Oréal full time Internship為例，同學有機會喺internship入邊接觸唔同Brand，而且老實講做嘅工作同full-time嘅junior唔會差好遠。不過因為掛住「Intern」嘅頭銜，壓力上冇咁大。咁樣比較起上嚟其實返一年intern嘅性價比係比返full-time比較高。

 

工作選擇比較多

雖然一個year 3/4學生同fresh grad嘅工作經驗唔會差好遠，感覺上搵工嘅難度好似差唔多。不過因為唔係好多人會apply full time internship，加上呢個position本身都唔會要求申請人有太多工作經驗，所以相對上競爭冇搵grad job咁大，選擇嘅機會比較多，固然更容易搵到適合自己嘅工作。

 

Defer嘅代價

Defer的話首先要考慮一下經濟因素，例如可能會用到多咗生活費，或者因為遲咗搵Fulltime而造成屋企經濟壓力。另外，Defer嘅話就會有機會有1－2個Sem無相熟嘅同學一齊上堂，做Group Project要重新搵組員。如果FYP係以Group形式的話，甚至可能會比較難搵志同道合嘅朋友。

不過如果想減少以上問題，小編建議有興趣defer嘅同學可以提早計劃，例如係Year2－3個陣chur多啲學分，咁就算要defer都可以無咁大壓力。如果需要做FYP的話，可能同學校溝通會唔會可以邊返Intern邊完成等等。只要提早計劃的話，其實Defer又有咩好怕。