校園Guide

每個月總有幾日令女士們苦不堪言，據統計大部分香港女性都曾經有經痛嘅情況，痛起上嚟真係叫曬救命都唔掂。作為長期凍飲愛好者，小編都深受經痛所害。為咗令大家都可以舒舒服服咁度過生理期，小編搜集咗5個小tips，實測都幾work！無論男仔女仔都可以bookmark定，無論係for自己定係另一半（如果有）都有用～

 

1.穴位按摩

呢個方法雖然唔可以根治M痛，但對於暫時紓緩痛楚嚟講都幾有用，只要用姆指按壓至酸楚感就可以啦。小編今日分享3個止痛穴位，M痛難耐嘅時候就按下la～無論翻工／出街，都可以好方便哋做到！如果男仔們見到女朋友唔舒服，幫佢按下都幾sweet ga！

 

2.唔好凍親個肚仔

對於M痛小寶寶嚟講，好多時候都係因為凍親個肚仔…呢啲時候可以選擇局部用熱水袋暖敷，或者係用暖暖包都有相同效果！呢啲時候記住著翻暖少少，露腰腰露肚肚呢啲就等M痛走左先再出沒啦！

3.做緩解運動

有研究顯示，喺M come期間做適量緩和嘅運動，例如瑜珈可以提升血液循環，舒緩M痛同經期不適嘅症狀，同時減輕心理壓力、放鬆情緒。而小編今期推介動作嬰兒式：(1) 採坐姿，臀部坐在腳跟上，膝蓋打開與髖部同寬，上身挺直保持自然曲線。 (2) 吸氣時，雙手貼地往前延伸，讓額頭盡量靠近地板，意識集中於放鬆臀部與下背肌群。對於舒緩下腹疼痛好有幫助喔～

4.飲啲緩解飲品

嚟M嘅時候要飲暖嘢相信好多人都知，但唔好淨係飲熱水啦！以下呢兩種飲品對於M痛寶寶更Friendly,無論係生薑紅糖水定係桂圓茶都可以幫助經血更順暢哋排出，而且係市面上亦都好容易搵到，大家都可以擺定啲係屋企／office隨時急救都得。如果想更日常的話，其實熱朱古力／熱豆漿都可以達到舒緩功效。

5.暫時同凍飲／咖啡因／酒精say no

炎炎夏日，飲杯凍冰冰嘅嘢簡直消暑至極！而返工／日常生活入面咖啡、酒精亦都係老是常出現。但原來呢啲對於嚟M人士極度唔友好，飲酒同咖啡都會加速血液循環，容易造成身體脫水，而令嚟M嘅不適症狀加劇。而凍飲會阻礙氣血流去子宮，從而加劇痛經同埋帶嚟經血減少問題，所以為咗身體著想，都係要暫時忍下口嗚嗚。

 

ps.以上方法只係短暫紓緩作用，如果長期都唔舒服／痛嘅程度太嚴重就記得要搵醫生幫你！