校園Guide

一班人出街食飯最難諗就係食乜好?今次同大家分享3間Re-U必去嘅大排檔同人氣菜式，睇快啲睇下你有冇食過啦！有其他心水推介都可Comments分享㗎?。

1.楚撚記大排檔

相信楚撚記係唔少朋友Re-U嘅選擇?佢哋地方大，選擇多又分量足夠，啱曬一大班人食?。唔知以下幾款人氣菜式你有冇食過呢？佢地又係咪你嘅最愛呢？

-香煎黑松露手打蓮藕墨魚餅

蓮藕墨魚餅入口香爽，食落有一粒粒藕粒，仲有淡淡嘅黑松露味，即使平時唔食黑松露嘅朋友都可以接受。中意蓮藕墨魚餅嘅朋友仔一定要試試佢啦！

-菠蘿拔絲咕嚕肉

咕嚕肉嘅份量都幾多，一定要襯熱食，因為拔絲放耐咗會比較實，好難夾，所以熱食嘅口感同體驗會更好。唯一不足就係大部分拔絲放係旁邊，有小小可惜。

-黃金椒鹽粟米

唔多地方嘅椒鹽栗米好似楚撚記咁好食，除咗椒鹽之外，仲加入鹹蛋黃，每一啖都有鹹香味。而且， 栗米炸得粒粒分明，好香脆。栗米嘅清甜同鹹蛋黃+椒鹽嘅鹹香，非常夾。

–

店名：

楚撚記大排檔

地址：

荃灣川龍街118號百悅坊地下-1樓

土瓜灣馬頭圍道187號地下2及4號舖

西環石塘咀皇后大道西554-560號日富里百好大廈地下1號舖

2.妺記大排檔

-鬼馬油炸鬼（油炸鬼釀墨魚滑）

好多人聽到鬼馬油炸鬼，都會問號❓佢係咩嚟，其實佢係油炸鬼釀墨魚滑，雖然唔少地放都有呢道菜，不過妹記炸得非常香脆，而且外脆內軟，加埋甜酸汁食落更開胃。食妹記一定！一定！一定！要叫鬼馬油炸鬼?

-炸豬手

炸豬手份量夠大，外皮卜卜脆，好香口。而且肉質嫩滑，唔會太油膩，配啤酒食一流。炸豬手亦係妹記必食嘅Top 5之一。

-戰鬥碗

佢地有兩款啤酒選擇（青島/藍妹），戰鬥碗其實只係杯變成碗飲酒，個碗預先凍過，飲起上嚟更爽?

–

店名：

妺記大排檔

地址：

旺角通菜街1A-1L威達Deli 2商業大廈2樓B舖旺角通菜街1A-1L威達Deli 2商業大廈2樓B舖

3.標記樂園潮州粉麵菜館

-蠔仔粥

潮州蠔仔肉碎粥，好多蠔仔好飽滿，而且有鮮味唔腥。粥好甜好綿。

-潮洲煎蠔餅

標記潮洲煎蠔餅炸得非常酥脆，同一般厚粉厚漿嘅煎蠔餅唔同，有啲似天婦羅? 蠔仔分量十足夠，食落滿滿蠔仔肉，一個字 – 「正」

–

店名：

標記樂園潮州粉麵菜館

地址：

旺角通菜街12-14號地下

 

 

圖片來源：OpenRice