校園Guide

武漢肺炎已經存在左接近9個月，簡直係一波未平一波又起，依9個月入面大家有冇留意到自己既生活習慣都開始有所改變呢，今次就數5個小習慣出黎，睇下你中左幾多樣？

1. 出街帶酒精搓手液

以前出街既三寶就係電話、銀包、鎖匙，我諗自武漢肺炎出現左之後要加多一樣啦，就係酒精搓手液，依家出街唔記得帶真係會好無安全感嫁！因為出街掂到d咩都要消一消毒先安心

2. 蓋廁所板沖廁

平時依個動作我諗只有一小部份人有注意，但依家每次去完廁所，不論係屋企定係街，都一定會蓋左廁所板先會沖廁，因為沖廁個陣既氣流係可以令細菌彈到6呎外，隨時彈番落你d衫褲度，係咪諗起都想嘔呢…

3. 提早晚飯時間

因為依個肺炎搞到大家都小左出街，零售業大受打撃，既然冇生意所以好多商戶都早左關門，夜晚8點左右成個商場已經好似死城咁啦，所以想出街唯有約朋友早d食飯，食飽飽就番屋企lu。

4. 用酒精消毒電話mon

平時手機不離手既大家，係未有肺炎之前唔知會有幾多人番屋企既時候會消毒下自己個mon呢？其實你電話個mon可能仲污糟過你屋企既廁所….因為你掂完所有野都係hi番落個mon度，不過依排小編身邊好多朋友都開始有消毒電話mon既習慣啦，終於醒覺！

5. 拉近左人與人之間既距離

雖然斷斷續續限聚令，禁堂食，但正正就係因為大家都留哂係屋企，所以大家可能同屋企人相處會多左，亦都會同朋友傾多左計，一齊係屋企zoom下facetime下其實都幾開心呀

延伸閱讀：

【武肺下的小確幸】十間疫情間新開烘焙網店推介

【外賣app優惠整合】優惠碼&信用卡優惠 ( lingduck/ UberEats/ Deliveroo/ Foodpanda/ e肚仔/ Openrice)

【2020 性價比高】5間Staycation酒店推介