校園Guide

出完街之後，對方消失、冷淡、無再聯絡、比人friendzone，好可能就係你無意間誤踩以下5個約會地雷。

 

⛔️過於親密的肢體接觸

肢體接觸嘅界線係一項重要嘅concern，好好拿捏條界線，呢條界線會影響日後關係。如果係想發展SP或FWB嘅約炮關係，當然所有親密接觸都會做晒。

若然係將對方當成日後認真發展嘅交往對象，就盡量避免過於親密嘅肢體碰觸，例如拖手、kiss、性行為等。尤其是頭一兩次約會，發生親密肢體接觸，對方一定會有疑問：你會唔會同其他人都係咁，甚至認定你係player或者隨便嘅人。如果係咁，對於日後要認真發展交往就有啲危險。所以頭一兩次約會嘅肢體接觸可以避免一下先，忍一忍。

 

⛔️唔衛生、唔整潔

最basic同普通人相處上嘅唔衛生，例如口臭、臭狐等身體有臭味當然唔ok，亦好難唔扣分。唔整潔仲有衣著、袋太污糟或者殘舊都有機會扣分。再來，就係食野方面，唔好食得太大聲、唔太污糟都係可接受嘅。少少香水味好好，太濃就over咗。

 

⛔️做作 ✅自然

小編想講其實男女都鐘意一啲自然嘅人，欣賞真性情、不拘小節、隨性。例如上文講到食野方面，女仔如果好故意地扮細啖細啖食野，男仔其實唔係鐘意呢type，都會睇得出你扮野。相反自然地大吃特吃，即使跌咗幾粒飯喺枱面，都會比人覺得可愛。所以建議大家可以盡量做返真實嘅自己，自然啲。

 

⛔️初次約會完全無幫手計劃

初次約會完全無幫手計劃，例如諗吓去邊、search路、搵餐廳等諗吓行程，咁樣代表從來無諗過要同對方做啲咩，反映出你無乜心，對人都唔會鐘意得去邊。即使對方都仲有同你contact、仲對你有意，但呢一個行為絕對扣分。總而言之，大家都要幫吓手諗一諗約會行程，唔洗好詳細，even check吓營業時間、條路點行仲可以令對方覺得你好細心添。

 

⛔️唔願意比錢

小編睇重嘅係有無願意付出、想對方開心嘅心，不論最後邊個比錢定AA，有心比錢已經夠，而埋單亦並非係男性嘅責任。有無願意比錢嘅心，當然睇吓有無「想拎銀包」嘅動作啦，小則買飲品，大則食飯埋單。而更重要嘅係，呢一個付出係咪只為想對方開心，如果只係覺得自己有能力或者目的係用黎想換取更多，就唔係幾好。埋單唔係男性嘅責任，女性都要有想幫手比錢嘅心。