校園Guide

現今玩交友app愈來愈common，用黎認識原本生活圈以外嘅人，有唔少情侶都係透過交友app認識，甚至談婚論嫁，見慣不怪。唔想約炮，有咩招數可以認真搵個拍拖對象呢？

 

1／個人資料上認真打自我介紹

 

交友app上想認識一個人就係睇佢嘅個人資料，所以可以認真填吓自我介紹，形容吓自己。唔好淨係寫廢話「Hi」，你幾認真整自己嘅profile，就會吸引返幾認真嘅人。講明「約炮勿擾」、「不約炮」，就可以避免只想搵SP嘅人。

 

2／個人資料上打興趣

一定要show你嘅興趣，就可以吸引返有共同興趣、志同道合嘅人，之後傾偈都可以多啲話題。興趣盡量寫得特別少少，唔好寫咩sleeping，even travelling都有啲行，寫得特別啲用心啲大機會先識到人。

 

3／揀相

相係好重要的，大多數人睇嘅第一樣野就係樣！揀嘅相要正正常常，展現到你靚嗰一面，可以係show到你興趣，例如你鐘意彈結他就用張彈結他嘅。唔好用snapchat狗filter，真係好趕客，亦唔好開太大美肌，令人感覺好唔自然。

 

4／心態要健康

交友app係其中一個媒介比人認識原本生活圈以外嘅人，無分正當唔正當，唔洗驚比人覺得自己玩，而且交友app可以擴闊圈子，唔好存有唔健康嘅心態。

另外，一開始同傾偈對象吹水，對方可能有同時同其他唔對象傾偈，係好正常嘅事，唔好奢望對方頭幾日就要對你專一。