校園Guide

無論生日P,船P定係Re U, 酒精都係不可或缺嘅一員。但係齋飲酒唔玩驚硬係覺得差咁啲嘢咁,小編今日就為大家搜羅左5個新奇又好玩嘅酒game，希望大家都可以玩轉個party,YEA! 

 

1）King’s Cup Party Game

呢個係一個淨係需要一副啤牌但極有刺激感嘅遊戲，玩家首先需要幫自己隻杯斟滿酒，作為遊戲中途嘅小懲罰。接下來，將撲克牌環繞在King 杯，並決定由邊個開始，之後玩家以順時針的方式開始抽啤牌，並進行根據A至K所對應的不同遊戲，輸家每次需要喝一拳酒。呢個係一款可以即刻拉近彼此間感情的團體game。（小編上次試過連續抽到兩次陪飲員，真係往事不堪回首…)

2) Titanic game

不需要咩複雜嘅道具，淨係需要兩隻杯就可以灌醉你！呢隻game玩法就係先斟 2/3 杯啤酒或其它任意酒類落一個大酒杯度，再將一隻shot杯擺入斟好酒的杯入面，遊戲就可以開始！每個玩家要輪流斟酒到小杯子中，無論倒幾多都可以，只要記住「不要讓細酒杯翻倒或沉落去」就好，而邊一個玩家倒到細酒杯翻覆／沉到杯底後就輸！輸家要將大細杯入面嘅酒一次過灌完，絕對玩幾鋪就會超級醉！

3）Never Have I Ever

呢隻game不洗準備任何道具，但分分鐘可以知道啲好爆嘅料！遊戲方法係每個玩家一起豎起 5 隻手指（想玩越耐就豎越多隻），並輪流開始講自己從來無做過的事，例如：「我從來無玩過ONS」、「我從來無食過自己啲指甲」，然後有做過的人就要飲一啖酒並且收埋一隻手指，不過如果在場完全沒人做過，出題的人就要自己罰喝一杯！當然啦亦可以用一些很針對的問題，好似女仔就可以講：「我從來無入過男廁」，在場就幾乎所有男仔都會飲（建議唔好啦）。而當其中有人嘅手指用曬遊戲就結束啦

4）Beer Pong

呢隻game堪稱美國大學生必玩嘅酒game，只需要兩個人或以上、幾個乒乓波、幾隻杯子同埋長桌就玩得！首先要喺檯嘅兩端任意擺好啲杯（一般都會擺 6 個堆成金字塔型），而每個杯都要倒三分之一的啤酒。遊戲嘅rules係兩個玩家輪流投擲乒乓球到對方杯入面，只要喺無彈到張檯嘅情況下投進咗另一方就要喝兩杯，而彈到桌子再彈進杯中則要喝一杯，最快令對方檯上變曬吉杯嗰個就贏，輸家要罰飲一個 Shot！

5）疊骰仔

呢隻game非常之簡單，好啱已經喝到WingWing哋，唔想用腦思考嘅人！只需要每人有一個骰盅就可以玩遊戲，而rules亦都非常簡單，只要每個人輪流將骰子往上疊，疊到最後跌骰嗰個就要罰酒，雖然簡單但絕對係一款能夠炒熱現場氣氛嘅game。

ps.小酌怡情,HANGOVER 大辛苦TxT