校園Guide

早前上某哲學page同連登share一張香港文青starter pack同advanced pack，唔知大家中咗幾多？小編覺得幾好笑，吓，原來呢啲喜好都會歸類成文青。香港人係鍾意標籤，質疑其實呢班所謂「文青」係偽文青、跟風，其實真又好假又好，如果扮文青可以成為一個契機，比大家接觸文哲史，何樂而不為？

呢一個系列，無論你係真係有興趣抑或想扮文青，都可以睇落去。今次表面少少，講文青衣著。

有一班人好鍾意舊時八九十年代嘅香港，不論係電影、音樂、街道建築，都極之有味道。八九十年代嘅衣著，現今一再興起，寬鬆oversize、高領、牛仔、花恤衫等復古穿著，可見，時裝係一個循環。

 

高腰牛仔褲+皮帶

牛仔係經典時尚元素，從未過時。九十年代嘅香港係牛仔嘅黃金時代，大街小巷都為之風靡，不論大街小巷定係明星都會穿著。牛仔item眾多，當中牛仔褲一定最common，當時流行嘅款式係中高腰而且直腳唔貼身、直筒為主，色調以淺藍色較常見。華dee絕對係牛仔嘅代表。

穿著上亦有一種特定配襯style，就係sip衫，加上粗皮帶。

 

牛仔外套

牛仔item仲有牛仔外套，版型無限，顏色照樣係淺藍色。

 

恤衫

從九十年代嘅電影得出，佢地真係好常著恤衫，不論男女。顏色傾向colorful啲，敢於著唔同顏色，例如橙色、紅色、黃色等、綠色，Pattern亦不限於純色，仲有花呢碌嘅恤衫。

 

Oversize外套

Oversize外套傾向休閒、sporty，例如有MA-1外套，顏色不設限。入面配恤衫又得，Tee又得。

 

文青愛古著，咁古著喺邊到買到？

香港二手店美之

美之係近十年年輕一代都會去嘅地方，所賣嘅時裝由$5到幾百不等，基本上$100蚊以內都有海量咁多選擇，不論Tee、冷衫、外套、恤衫、褲、袋款、鞋款、飾品都有，男裝、女裝，甚至童裝都一一搵到，來源係二手衫、韓國同日本開倉倉底貨。去到真係會有種如獲至寶嘅feel，真係文青嘅聖地。大家可以去啊冰youtube片睇睇〜