【2020聖誕交換禮物】30份惡搞禮物推薦 低成本多多趣
一大班人開聖誕party必有嘅交換禮物環節,亦係大家惡搞朋友嘅好時候。__頭被認為係惡搞禮物之首?又搞笑又ON9又無用又shameful嘅禮物,交換到呢啲你就贏!大家有idea不妨留言拋磚引玉。
【無用之用(送垃圾)】
一份合格嘅惡搞禮物至少要失去作為物件應有價值:就係失去用途,一件咩用都無禮物,足以令人感覺到無奈同懷疑人生。收件叉燒都好過收你份禮物!
1/2020(或以前)月曆
多多趣:世上最最最最最無用嘅禮物,小心嬲到反面。準備禮物方面,喺屋企就搵到,成本極低!
2/垃圾筒蓋
多多趣:無筒嘅蓋就失去咗佢存在嘅價值,係一件無用嘅禮物,相信朋友打開嘅反應會係:JM9??準備禮物方面,喺一般12蚊店、日本城、傢俬鋪就搵到,成本低,個筒可以留返自己要。
3/街市童裝卡通底褲
多多趣:呢份禮物嘅無用之處係用唔著。準備禮物方面,街市、12蚊店都有。
【Heavy系列】
故名思意,即係好重、吃力不討好嘅禮物,惡搞程度十分之高。
4/磚頭
多多趣:磚頭被認為係惡搞禮物之首,原因係又重又無用,不過收到可以好開心咁打卡擺上ig,其實都幾開心啊。準備禮物方面,喺路面執就可以,注意衛生。
5/八公斤金象米
多多趣:同磚頭一樣,都係務求份禮物重到令你個frd拎到攰死,但托包大米返屋企起碼有得食。準備禮物方面,都要靠少少勞力托去現場。
6/十包鹽
多多趣:呢份禮物嘅heavy之處係重口味,食幾多世先食得完?準備禮物方面,超市就有,十分方便。
7/一疊A4紙
多多趣:重重地,但非常有用嘅禮物,不過都有唔少人收到表示好憎。準備禮物方面,文具店等可以買到,十分方便。
8/一千個一毫子
多多趣:重得黎有排唱,不過至少都係錢啊,送錢好好架啦。準備禮物方面,要花上時間集齊咁多個毫子,睇吓便利店幫唔幫你唱。
【認真送ON9野】
非常有趣嘅送法,會令朋友們開心,帶動成班人氣氛。不過準備禮物方面,金錢成本同時間成本較高。
9/無咗幾粒掣嘅keyboard
多多趣:準備禮物方面,首先要一個無用嘅電腦keyboard,挑走“Merry Christmas”嘅字母,其實係一份好有心思又應節嘅禮物。
10/人面獸心鬧鐘
多多趣:特別可以送比成日遲到嘅frd,樣可以整你自己、朋友、明星等邊個都得,朝朝起身見到,一定見到憎。準備禮物方面,要預留時間訂造啊。
11/頭頭頭頭頭抱枕
多多趣:同人面獸心鬧鐘雷同,樣可以整你自己、朋友、明星等邊個都得,擺廳用都有少少shamful,屋企人一定問咩事。準備方面,要預留時間訂造啊。
12/雷鬼造型頭髮帽
多多趣:相對容易接受又有少少用嘅禮物,萬聖節或者平時開party都用得著架。
13/麻將Shirt
多多趣:適合比熱愛MJ嘅朋友,一定要佢著出街比全世界知佢係雀聖。
14/2021年流年運程
多多趣:呢樣禮物純粹on9同好笑。準備方面,小編發現HKTV Mall有得買。
【Shameful類別】
想令朋友覺得Shameful尷尬就可以選擇以下禮物,都好可以帶動成班frd個氣氛。
15/可愛香菇抱枕
多多趣:不論男女收到都極度Shameful,整邊個個樣都好好笑,痴L線禮物!準備禮物方面,要預留時間訂造啊。
16/TENGA飛機杯
多多趣:男仔收到無乜野,如果係女仔收到就好笑。準備禮物方面,Donki就有。
17/M巾
多多趣:同飛機杯一樣,男仔收到會好尷尬。準備方面,好多地方都買到。
18/美國野獸圖案內褲
多多趣:總有一兩年會有人送底褲,唔算非常惡搞,至少都非常實用,呢份禮物shameful在動物圖案。
19/Pornhub hoodies
多多趣:其實幾潮啊,邊到shame?
【整估專家】
用禮物去整估朋友係一個好方法,務求嚇佢一跳或者令佢以為係好嘅禮物,點知原來。。。
20/報紙包住報紙
多多趣:有網友整過比同學,個同學拆到放學都未拆完。準備方面,報紙成本低。
21/iphone盒入面放iphone以外嘅野
多多趣:入面可以擺啲重嘅野,令朋友以為係正野。準備方面,其實唔一定要iphone,ipad、condom盒都可以的。
22/入面擺垃圾嘅扭蛋
多多趣:記得要留返張扭蛋紙扮吓野!入面可以放紙巾之類。準備方面,一搬扭蛋機都ok。
23/空紙皮箱
多多趣:係上面iphone盒扭蛋嘅放大版,惡搞成份就係好難拎,所以個空紙皮箱愈大愈好。不過,大嘅空紙皮箱比較難搵。
24/兩隻左/右腳拖鞋
多多趣:一開頭見到收鞋都ok喎,唔算好差,點知原來係同腳,都幾大整估。準備方面,記得買兩對,另外兩隻可以留來送比另一個朋友。
【95搭8系列】
完全唔應節、唔知發生咩事嘅禮物往往比到驚喜人。
25/揮春
多多趣:係寫定比下年新年。準備方面,買一啲紅紙,剪一條長嘅就ok。
26/月餅
多多趣:中秋食淨,聖誕食返。
【無人想收】
以下都係歷年好多人都唔想收到嘅禮物,就偏偏要送。
27/飛行棋
多多趣:依家仲邊有人玩架?小編估文具店有。
28/一塊百潔布
多多趣:一樣啦,無人想要啊,仲要得一塊,喺屋企拎啦。
29/相架
多多趣:都係無人想收嘅禮物,因為真係用唔著,又覺得對方hea自己咁。準備方面,去快圖美買啦。
30/杯
多多趣:超多人都好討厭,大慨因為屋企已經收過好多次杯。
![](https://www.ufinancehk.co/wp-content/themes/ufinance/img/loan/hat.png)
- 滿足不同經濟需要:交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件(學生證+身份證),毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款,0手續費0罰息
大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。