校園Guide

情人節除咗女仔要諗著咩衫，男仔都要！如果你本身有女朋友，你就要襯好啲，唔係去就會話你唔尊重佢。如果你今個情人節嘅約會對象係你心儀嘅女仔，仲未係你女朋友嘅話，就要更加放啲心思係衣著方面，因為可以令對方對你嘅印象分大大增加！今次懶人包就為大家分享3個男生約會穿搭推介，唔係好識襯衫嘅你地就快啲參考下啦！

 

1.針織背心配襯衫

針織背心今年又重新興起，衣櫃總有一件。係針織背心入面著襯衫係一個唔錯嘅選擇。可以為單調嘅襯衫增加亮點。下身搭配休閒有彈性嘅西裝褲，不論行街、睇戲，定去餐廳吃飯都ok。

 

2.休閒感西裝配純T-shirt

唔好聽到西裝就以為係啲老套西裝，依家西裝都有分好多種，就算約會都可以用西裝著出輕鬆休閒感。休閒感西裝通常指棉質或麻質嘅休閒西裝。呢啲西裝通常冇墊肩，冇咁挺身，入面著返普通圓領或者Polo T-shirt就可以！簡單得嚟，又唔會太hea～

3.針織外套配休閒長褲

針織外套不嬲都係最易襯，點襯都唔會出錯。所以，如果你今個情人節嘅約會對象仲未係你女朋友嘅話，男士們不如試下係針織外套入面著純色T-shirt，下身搭配直腳褲。呢個簡直就係鄰家男孩Feel，你嘅約會對象同時都會覺得你係有用心打扮！