校園Guide

讀到大學就知道，一年時間眨吓眼就會過。你同你嘅莊員/莊友不知不覺都識咗成年，平時可能只係見到佢哋努力工作好champ嘅一面。就算係約出去莊聚，第二日等緊你嘅可能係補習/part-time/event/mid-term…大家都係苦中作樂，冇時間享受只屬於大家嘅時光… 而最好嘅辦法，就係離開香港去一次莊trip，喺幾日時間入面重新認識你身邊嘅戰友。
喺大學時期同一大班friend去旅行，可以話係只屬於年輕人嘅奢侈，而一次莊trip帶俾你嘅回憶同驚喜，可能遠超你想像。
 
羅馬尼亞從來都唔係東歐遊嘅主角，通常遊客只會匆匆留一兩日就走。但係其實呢個國家一樣有齊布拉格嘅繁華，同埋布達佩斯嘅宏偉，係值得駐足停留慢慢感受嘅國度。

重點城市推介

1. 1. 布格勒斯特 Bucharest

布格勒斯特係羅馬尼亞嘅首都，大家去到可能會覺得成個城市嘅感覺有啲殘舊，而且建築群色調單一，其實係因為首都仍然保留咗好多隸屬蘇聯時期嘅共產特色建築呀！

1. 1. a. 舊城區 Old Town
   2. 舊城區夜晚特別熱鬧，內街好多特色酒吧同食飯傾計嘅地方，其中小編特別推薦梵高cafe同Linea Closer to the Moon呢兩個聚腳點：
2. 梵高cafe內部除咗有星夜遮陣之外，後面仲有一大幅掛滿梵高畫作嘅打卡牆添！順帶一提佢哋啲甜品都唔錯㗎。
   

    

   在 Instagram 查看這則貼文

    

   Aida ?（@aida.ciupala）分享的貼文 於 PDT 2019 年 8月 月 6 日 上午 7:18 張貼

3. Linea Closer To The Moon佔兩層，第一層喺室內，而頂層就係Rooftop Bar。每逢冬天餐廳仲會擺設透明泡泡包廂，影相打卡一流～

 

在 Instagram 查看這則貼文

 

Linea Closer To The Moon（@lineaclosertothemoon）分享的貼文 於 PST 2018 年 11月 月 18 日 下午 1:17 張貼

舊城區入面仲有Cărturești書店，除咗裝修靚之外仲出售好多精品，其他分店都會有唔同裝飾品，係值得一行再行嘅地方。

 

在 Instagram 查看這則貼文

 

Anita H ✈️ Azul Místico（@azul_mistico）分享的貼文 於 PDT 2019 年 7月 月 8 日 下午 12:40 張貼

1. 1. b. 議會宮
   2. 另一個必去景點就係羅馬尼亞議會宮。佢係世界上第二大嘅建築物，僅次於美國嘅五角大廈。當年挪用咗超過7成國家支出去興建，有一千多間房，但係而家十室九空，係大白象工程界嘅代表。要注意嘅係議會宮內部並唔係自由活動，會有導賞員帶領大家。

 

在 Instagram 查看這則貼文

 

The palace of the Parliament… This is the front and the back. The second biggest building in the world after Pentagon, consists of 1100 rooms. It’s gigantic! • • • #palace #biggestbuilding #romaniaparliament #bucharesttravel #romaniatravel #visitromania #travel #architecture #teavelblog #traveling #discovertheworld #exploretheworld #europesummer #balkanstravel #explorebalkans #travelwithkids #familytravel

fonina（@fonina.m）分享的貼文 於 PDT 2018 年 7月 月 31 日 上午 3:40 張貼

 

1. 2. Brasov 布拉索夫 / Sibiu 錫比烏

布拉索夫同錫比烏比起布格勒斯特更加似旅遊城市，實際上佢哋亦係本地人同鄰國人嘅旅遊熱點。呢兩個城市嘅共同點就係所有屋仔都好色彩繽紛！
而錫比烏嘅屋係更加出名有「眼」。二戰時期納粹軍為咗俾心理壓力人民，喺屋嘅頂層整兩隻好似雙眼嘅天窗，遠睇就好似有好多對眼望住自己咁，係當地嘅建築特色之一。
布拉索夫同錫比烏更加有好多宏偉嘅教堂，仲可以爬上塔頂觀覽全城嘅景色，去布拉索夫的話仲可以去埋吸血鬼德古拉城堡 Bran Castle，參觀古代王族住嘅地方。

布拉索夫同錫比烏分別離布格勒斯特3個鐘同6個鐘車程，大家可以坐火車一路向北，就可以一次過去曬兩個城市。

羅馬尼亞美食盤點

去到羅馬尼亞，當然要試當地菜啦！小編推薦兩款必試菜式：Pork stew with polenta同cabbage rolls。Polenta係用粟粉蒸成嘅蛋糕狀布甸，而cabbage rolls就係用生菜包住豬肉餡。
La Placinte

手信

羅馬尼亞陶瓷、手繪雞蛋、民族花紋刺繡同埋手織毛冷製品都係當地嘅特色手信，而且價錢都唔算太貴，可以揀一兩件精緻嘅留念。

其他小貼士

語言：羅馬尼亞人普遍英文都唔算太流利，甚至完全唔識（老一輩可能識講俄文法文……)，建議大家學定幾句基本羅馬尼亞文傍身。
交通：喺首都Bucharest可以選擇搭巴士或者地鐵，而兩者係要分開買飛。地鐵車站入面有自助售票機可以買到多程車飛，而巴士站隔離通常會有售票亭；
而布拉索夫嘅主要交通工具係巴士，可以喺巴士站買車飛。
錫比烏嘅主要景點都集中喺中央廣場附近，本身地方唔大，全部可以靠步行到達。
貨幣：普遍使用羅馬尼亞列伊(Lei)，但當地兌換店基本上只接受歐元、日圓、美元等貨幣，記得將港幣換好歐元再到當地換列伊呀！
 

上莊成件事真係好青春，但係如果淨係chur做而忽略咗大家chur玩嘅機會，實在太可惜。
所以話：成也莊trip，敗也莊trip。可唔可以令各位莊員玩的盡興，關係更上一層樓，就睇今次！如果你係搞手派或者係行動小隊，不妨參考吓以上資料，開始計劃吓屬於你哋支莊嘅難忘旅行啦！以下係參考Budget （8人行，九日八夜，12月旺季）：

機票	約港幣$5000/人
住宿	每人約港幣$1,500
交通（巴士、地鐵、內陸火車合計）	約港幣$300
飲食、娛樂雜費	約港幣$1,500/人
總計	約港幣$10,000/人

 

延伸閱讀:

青春無憾：莊trip精選推介之泰國曼谷篇

青春無憾：莊trip精選推介之越南峴港篇

【一路向西】西寧青海一週大環綫

Exchange慳錢必備之國際學生證