校園Guide

夏日炎炎，望住ig入面人哋post fit到爆嘅水著照，肌肉照，好想自己都好似佢哋咁擁有馬甲線，腹肌，人魚線。但係疫情肆虐，翻工又忙無時間日日出街做運動點算好？小編今日就分享6個可以「Workout from home」嘅運動app，今個summer一齊成為最fit嘅自己！

 

1. J&J Official 7 Minute Workout

呢個係一個完全免費的健身APP，入面嘅健身內容圍繞住高強度間歇訓練（High Intensity Interval Training，簡稱HIIT），可以係短時間內達到最好嘅燒脂效果。而且喺你運動嘅時喉，亦都有唔同嘅短片示範，每次運動後亦會詢問你的感受，再由AI按你的程度幫你設定下次訓練的項目及方法。

 

2.Daily Yoga

做瑜珈係一件對身心都好有益嘅活動，特別喺呢個壓力咁大嘅社會，臨訓前做下瑜伽人都好訓啲～呢個app入面有超過500個瑜珈、皮拉提斯、冥想課程，而且亦都有專業瑜珈導師嘅影片指導你正確姿勢同態度，真人示範可以更加清楚咁睇到動作細節喔！

 

3. 30 Day – Ab Challenge

呢個app聽名就知道，係專門幫你訓練腹肌嘅app！App入面提供30日嘅腹肌訓練計劃，每日可以完成指定數量的鍛煉，包括sit up、捲腹等等簡單嘅健身動作。此App更分為初學者至專家等6種程度，用家可以隨住健身經驗而逐級提升難度，可以每日挑戰下自己。

4.Keep

呢個app對運動初學者相當友善，訓練內容按程度分級由k1到k5，根據用戶場景、健身目的同埋有無器械嚟編排各種訓練計劃，大家可以藉由自己的程度來揀適合的運動，亦都可以根據自身狀況來調整或特別加強某些部位的訓練，好似瑜伽、增肌等等。

5.Nike Training Club

呢個app入面全部都係透過世界級Nike Master Trainer所設計嘅專業運動計畫，無論係喺屋企、gym room 或者係戶外都有唔同等級嘅運動訓練可以做，亦都可以設定獨有嘅健身目標。仲可以參考名人嘅運動計畫包括C朗，演員Michael B. Jordan、搞笑藝人Kavin Hart等等。

6.Ego360 7 Minute Workout

呢個app入面有YouTube Chanel提供動作示範，動作覆蓋相較於其他App亦都更為全面。而最特別嘅function係設咗每日運動挑戰，完成第一日嘅動作，先可以開鎖第二日嘅動作。而且提供嘅動作較多，覆蓋範圍咁大就唔怕做到悶啦～