校園Guide

夏日炎炎又係背心短褲出沒嘅季節，想要以更好嘅狀態示人？不妨跟住小編一齊排毒啦，新陳代謝係控制你瘦身成敗嘅重要因素之一，提高身體嘅代謝能力可以令身體健康啲，減肥動力亦都大啲，Follow呢6個小習慣，一齊做fit fit嘅自己。

1.睡眠排毒

「唔夠訓會肥」呢句說話原來真係有科學根據ga，研究話如果每日淨係訓4-5個小時，體內細胞會大量受損，而且「飢餓素」的分泌也會更多，會令你食得更多。而且訓覺嘅時候你嘅腎同埋肝都會自動開始排毒。所以盡量早啲訓，訓夠7-8個鐘。第二朝起身個人都特別有朝氣！

2.早餐排毒

起身之後一個鐘頭內食早餐，可以激活腸道嘅自身排毒功能，係促使人體消化系統排毒嘅最有效手段。而腸道唔單止係消化器官，亦都係免疫器官！所以小編今日都突登早少少起身，食個靚早餐，激活下體內嘅免疫細胞。

3.自己整排毒餐

「今日食乜好」簡直係世紀難題！不如考慮下自製排毒餐啦，每餐飯「蔬菜+水果」嘅比例佔食物總份量嘅一半或者60%，然後「蛋白質+澱粉質」食物成為餘下嘅份量。大量蔬果可以發揮好好嘅排毒功效，促進腸道蠕動，排出腸道內的大量代謝廢物，增加飽肚感之餘又可以避免吸收過多熱量。

4.按壓穴位排毒

每日臨訓前嗰5分鐘原來係排毒嘅關鍵時刻，反覆按壓鼻翼兩側的穴位，按到感到酸漲就啱啦。咁樣即使喺晚上訓著嘅狀態，都可以令呼吸系統高效排毒。而且按摩可以加速血液循環，自然就能夠代謝出更多的廢物，更加容易瘦落嚟。

5.刷牙排毒

係咪估唔到呢，原來刷牙都係一個排毒嘅小妙招嚟ga，因為口腔中分佈咗大量嘅穴位，刷牙時牙刷，牙膏，漱口水等等都會刺激口腔中嘅穴道，繼而刺激淋巴系統排毒，令血液中的毒素代謝然後喺通過淋巴結時被過濾出來排出體外，有研究顯示刷牙超過兩分鐘已經可以發揮排毒功效。

6.運動排毒

運動可以排毒我估大家都應該聽過，但原來連續運動20分鐘以上排毒效率會好好多喔！運動之後嘅4個鐘內身體嘅代謝率會維持喺較高嘅水平，血液中的代謝毒素隨之會持續不斷透過呼吸排出，亦都可以幫助脂肪燃燒！