校園Guide

可能好多人都聽過言語治療師呢個職業，但係究竟言語治療師工作內容同服務對象係咩你又知唔知？點解我會話依家做言語治療師係吃香嘅職業？而且要讀都咩相關嘅課程呢？跟住落嚟就為大家一一解釋！

 

1.語言治療師嘅工作內容

言語治療師係做咩㗎？其實言語治療師嘅工作主要係診斷、評估和治療聽力、言語、發音、表達和吞嚥障礙的人士。主要對象有學童同長者，學童主要針對言語上嘅治療，而長者主要針對吞嚥問題。學童的溝通障礙主要分為四大類，語言障礙、聲線問題、發音問題同流暢問題，如果小朋友被發現到呢啲情況通常會係入讀小學之後得到校內嘅言語治療服務。

2.點解吃香？

啱啱講到言語治療師嘅服務對象係小朋友同長者，其實依家香港嘅學校內都希望可以要常駐一位言語治療師，但係全港現在大概有600幾位，而每年只有大概40幾人畢業，可以話係供不應求，係呢個供不應求嘅環境下只能一位言語治療師可能要負責幾間學校。唔止學校，大大小小嘅公營同私營機構都有好大嘅需求。所以整整因為呢個情況，言語治療師呢個職業嘅就業率可以話係百分百，而起薪點都比其他高，大概有港幣2.4萬。

3.係需要就讀什麼相關課程？

咁究竟要點樣先可以做到言語治療師呢？根據香港言語治療師協會，依家香港總共有四個獲得香港言語治療師公會(HKIST)認受嘅言語治療學士／碩士學位課程，包括：香港大學言語及聽覺科學理學士課程、香港理工言語治療碩士課程、香港教育大學的教育言語及語言病理學暨學習障礙理學碩士課程、同埋香港中文大學言語語言病理理學碩士課程。有興趣成為言語治療師嘅你就快啲去睇下相關嘅課程啦！