校園Guide

2020年都過咗一大半，已經發生咗好多大事，想與時並進就要知依家最hit嘅事，2020最新潮語你又知幾多？

 

小夫我要進來了

日本知名卡通《多啦A夢》近期再次爆紅，比中國同人網路漫畫家「禾野男孩」改成《多啦AV夢》，將小夫跟胖虎設定為同志伴侶。其中一句「小夫我要進來了」令網民印象深刻，仲登上3日Google Trends熱搜第一名。

 

見字飲水

最近好多網民都叫人「見字飲水」，社交平台Facebook、Instagram出現咗「見字飲水協會」嘅page，叫人保持身體健康。連林日曦都出咗首歌叫《見字飲水》。

Facebook：見字飲水協會

 

 

壞過凱婷

「凱婷」係出自一篇好多年前嘅網絡潮文，主要係講一個初中女學生罵另一個女學生唔夠壞，更指自己同「凱婷」先係全級最壞，笑對方連續食兩枝煙都做不到。自此話人好壞，就會講「壞過凱婷」。

 

BlackLivesMatter

Black Lives Matter係指今年美國嘅抗議種族歧視運動，5月非裔美國人George Floyd被白人警員暴力執法致死，引發網上好多網民都關注事件，藝人都喺Instagram、Twitter等社交平台po相。

NMSL

「NMSL」其實係來自「你媽死了」嘅普通話拼音縮寫，係中國網民經常喺網上鬧人嘅說話。由於中國網民今年年初喺Twitter同泰國網民對罵，由於Twitter主要語言係英文，「你媽死了」就轉化成以英文字母表達。其後好快比香港網民笑，中國網民往往未能作有意義嘅討論，就會留言「NMSL」以辱罵對方，仲進行好多改圖改歌。

 

CLS

CLS原本係粗口Chi Lun Sin的簡寫，今年開始用作Comment、Like、Share的簡寫，常見於香港嘅Youtube channel，叫人支持影片嘅意思。

 

兩盒 thanks！

今年頭啱啱有武漢肺炎，開始有搶口罩熱潮，喺市面上買唔到口罩，大家就喺網店嘅Facebook 同Instagram留言「兩盒，thanks！」。

 

WFHF

WFHF，「Work From Home Forever」嘅縮寫，即係永遠喺屋企工作，因為今年武漢肺炎全球爆發，為防止疫情喺社區擴散，香港唔少公司都實行在家工作嘅模式，容許員工在家工作。

 

行山銀行

意思指恆生銀行。今年肺炎爆發期間，香港唔少公司WFH，有6個恆生銀行嘅管理培訓生(MT)比人發現喺WFH期間相約一齊行山，仲up上Instagram story。網民抽水恆生銀行做行山銀行。

賞花杏仁露

賞花杏仁露唔係糖水，係來自警方經常對記者講「上返行人路」，於是比網民食諧音取笑。