【在家學習】點樣保持專注力同效率？︱ uFinance 大專學生資訊貸款平台

校園Guide

【在家學習】點樣保持專注力同效率？

cherri | 31/03/2020

各大專院校都宣佈改為網上授課，唔知各位同學適應咗喺屋企上堂嘅日子未呢？當用嚟hea嘅屋企變成要認真工作嘅地方，相信有好多同學仔都覺得好難專心。今次就同大家睇下有咩方法可以喺屋企保持專注力同效率啦！
woman sitting beside table using laptop

1. 俾心機煮飯仔

有啲日子全日都要上堂，中間只有一個鐘食飯，多數唔係食外賣就係求其煮，結果就越食越頹，下晝冇曬心機做嘢。日日要留喺屋企，唯有喺食方面多花心思，令自己心態上冇咁鬱悶。其實大家可以預先計劃好每日餐單，然後好好善用放Break嘅時間預備定食材，咁一落堂就可以即刻煮。你亦可以早一晚預備好材料，慳翻唔少時間。小編期待各位喺疫情完結之後，個個變成小廚神呀！

2. 計劃好每日進度

喺屋企溫書特別容易分心，所以更加要計劃好每日任務，避免自己過於懶散，令學業進度緩慢，浪費咗多出嚟嘅時間。如果發覺自己專注力下降需要休息，除咗玩手機睇Youtube之外，可以用呢段時間做吓家務或者運動，保持學業同生活兩方面都向前推進，唔會俾社會停擺而影響。

3. 搵多個Workspace轉換心情

長時間喺同一個空間讀書，好容易會讀到腦閉塞。除咗得閒起身行吓之外，可以嘗試吓喺屋企唔同角落做嘢，例如坐梳發、企起身、用吓其他人間房，搵到一個換氣嘅後備workspace，延長自己concentration span。不過上堂嘅時候最好都係留喺原本嘅工作空間，費事老媽子以為你匿埋打機，大聲提醒你就唔好喇。