校園Guide

2019區議會選舉啱啱結束，大家對於選舉結果滿唔滿意呢？如果你今次差少少先夠秤做選民，又覺得今次選舉有啲「不完美，可改善」，就要趁2020年5月2號選民登記截止之前登記做選民，喺立會選舉投票喇！
 

01/02年嘅同學仔可能會問：

Q: 係咪要喺2020年5月2號之前滿18歲先可以登記？
A: 唔係㗎！喺非區議會選舉年，只要你喺選民登記冊發表日（2020年7月25日）之前滿18歲，同時係香港永久性居民，都可以登記做選民。
 
Q：我幾時可以第一次投票？
A: 往年嘅立法會選舉都係9月份嘅週末舉行。想抓緊機會行使公民權利，投下神聖一票嘅你，記得9月份嘅週末要留喺香港，因為多你一票真係好多！

選民登記所需文件

• 1. 填好嘅「地方選區選民新登記申請表」（REO-1）（按此下載）
• 2. 最近三個月發出嘅住址證明（如果申請人無住址證明可以以家人嘅「同住者聲明」代替）

 
相關文章：【急住用點算好？！】如何可以快速獲得住址證明？
 

新登記/需要重新登記嘅選民

選民登記有三個途徑：手機登記、電郵申請同親身遞交。
手機登記
用手機登記就唔洗又去拎表又要寄咁煩啦，只要手機download 「Adobe Fill & Sign」。（IOS版下載/Android版下載)
跟住去選舉事務處網站或者直接按此download PDF版 ，之後再用個app開返就可以填到架喇。按指示填哂就可以順便用email連同所需文件send埋去[email protected]，咁就大功告成喇！

電郵申請
先從網上download表格，或者到民政事務處、選舉辦事處同屋邨辦事處等地方索取表格，填完之後掃描入電腦，一樣連同所需文件send去[email protected]即可。

Offline遞交
想親身登記就可以去各區民政事務處、公共屋邨辦事處或選舉事務處（地址包括香港灣仔港灣道25號海港中心10樓/九龍九龍灣展貿徑1號九龍灣國際展貿中心13樓）拎表格，然後直接張填妥表格對摺投郵即可，或可以選擇傳真到2891 1180。
 

已登記選民

已經係選民嘅你，如果需要更改選民資料，就要喺2020年4月2日前填好「地方選區選民更改登記資料申請表」（REO-2）（按此下載），再按上面講嘅程序遞交申請。