校園Guide

有時候成日對住部電話，好似習慣咗要靠電子產品吸收資訊咁，不如試下重拾返睇書嘅樂趣。今日就同你地介紹幾本好書啦。

香港老美

 「惋惜前，請珍惜。」

《香港老美》作者係大街小巷遊走，主要以美學角度介紹現存老香港文化，仲有四個分類添：建築、手工、街角同飲食。對於想了解香港呢個地方嘅你，不妨睇下呢本書呀。

就係香港 BeingHongKong 

呢本書包含多元化內容，例如有文化藝術、創意設計、飲食、生活等，記錄咗好多香港獨一無二嘅文化故事喺入面，記係一本書又係一本雜誌形式咁。對於插圖同文字有興趣嘅你就留意住佢地出版啦。

擠迫之城的戀愛方法

一本以香港城市作為唔同愛情故事嘅背景，作者設置咗不同的障礙賽同規則比一班虛構嘅情侶，記錄咗佢地點樣喺限制入面搵到談情說愛嘅獨特方法。

點解學校無教過情緒科

作者覺得明明無論我地在任何階段同崗位，都會面對壓力同情緒、都會糾結喺人際關係入面，只要繼續做人就需要學習處理情緒。但係我地偏偏從來都冇讀過應該點樣做。所以作者決定用呢本書作開端，將大家都冇學過的情緒處理一一分享。