校園Guide

上幾篇Blog介紹咗幾份藍領白領工作嘅專業技術之後，好多同學都對PEQ好有興趣，因為基本上只要去到加拿大魁北克省讀書，學到一門專業技術，之後喺當地工作夠指定時數，就拎到移民身分。但佢地有一個concern，就係要考到法文B2級語文試，怕自己喺當地讀完書畢業後都未必考到，所以就問我哋法文B2級姐係咩程度呢？究竟要考到B2級又係咪真係咁難呢？

法國教育部頒發嘅DELF (Diplôme d’études en langue française) 同DALF (Diplôme approfondi en langue française) 法語鑑定文憑係國際認可嘅文憑，專為非法語系國家的人士而設嘅語文鑑證考試，程度分為DELF(初中級：A1, A2；中高級：B1, B2) DALF (高級：C1, C2)一共六個Level，而呢個文憑係永久有效。

PEQ要求嘅B2 Level屬於中高級，考生要有一定程度嘅法文知識。喺聽同講方面，如果可以同母語為法文嘅人傾計交流時保持一定嘅流暢度，唔睇字幕都聽得明法文電視節目嘅大部分內容，而且喺一般工作場所、學校、社交場合都可以聽得明大家日常對話會講到嘅話題，再以準確法文句子作出合適嘅回應，就已經去到法語鑑定文憑B2水平。喺蒙特利爾生活，基本上當地人都係以法文溝通，無論去餐廳食飯落單定行街Shopping買衫，喺餐廳睇Menu定係街上嘅指示牌，都係以法文為主，所以喺周邊環境影響下，每日都好似練習緊法文咁，學習法文嘅速度一定比平時喺香港上Lecture學快好多。另外，學生如果入讀蒙特利爾國際學院嘅法語歡迎班，仲可以同導師以法文交流，導師亦會根據學生學習進度、讀寫聽說各方面嘅優點同缺點，調整課程深淺，令學生對日常法文運用更快更易上手。

除咗聽同講之外，DELF都會考埋讀寫部分，如果學生喺日常生活中已經可以理解報章或者文學散文大部份內容，又可以針對特定主題以法文清晰寫出行文流暢嘅文章，或者以法文描述一件事情發展，就已經可以達到法文B2級水平。喺我哋成功透過PEQ移民嘅個案入面，最快試過有17歲學生喺到達蒙特利爾8個月後就考到法語B2水平，所以唔需要太擔心太緊張考法文B2呢項要求，基本上喺當地生活2-3年，日常肯主動講多啲聽多啲法文嘅話，都一定考得到，成功拎到移民身分。

相信好多同學喺讀大學嘅時候都想Reg多科Language讀，最受歡迎就係讀法文同西班牙文，成日都聽到啲同學講呢兩個Language喺第一輪Reg科已經爆晒。讀緊大學而又有諗過透過PEQ移民加拿大嘅你，不妨先喺大學上法文堂，未雨綢繆，到之後去魁北克省就可以更快考到B2水平，更快拎到移民身分啦！

聯絡資料

IFP Holdings Limited 恒富移民

Tel.：3586 8777

WhatsApp：6469 3828

Website：https://www.ifpholdings.com

Facebook：https://www.facebook.com/ifpholdings/

YouTube：https://youtube.com/c/IFPHoldingsLimited

免責聲明：本公司uFinance Hong Kong Limited只負責提供學生貸款申請服務。本網頁所提供的資料只作參考用途。 對於本網頁所載任何關於IFP Holdings Limited 恒富移民 計劃資料的準確性及完整性，本公司一概拒絕承認任何隱含的及/或明示的保証，並且不會就此作出任何陳述。對於因使用IFP Holdings Limited 恒富移民的計劃或依賴本網頁的資料或任何網頁上載錄或與網頁連線的任何東西，包括但不限於任何錯誤、誤差、遺漏、或侵權性質、誹謗性質或虛假性質的信息或任何其他可導致冒犯或在其他方面引致發生任何追索或投訴的資料或遺漏，而導致之任何損失或損害，本公司概不承擔任何有關責任。

 

閣下瀏覽及使用本網頁，即代表閣下經已確認及接納閣下須就本網頁的使用，自承風險。 對於任何因使用、瀏覽或無法使用本網頁而產生的直接、間接、附帶、相應而生、特別、懲戒性或懲罰性的損害或有關損失利潤或損失收益的損害賠償，本公司概不承擔任何責任。