校園Guide

上次提過加拿大魁北克省既經驗類移民項目 PEQ ( Programme de l’expérience Québécois) 可以實現你留學、工作加埋移民既理想同移民要求。咁有咩科目可以讀呢？

上回提要：【恒富移民特約】讀書、工作、攞身份 (一)

喺魁北克省一共有30幾間技術學校，每間技術學校都有唔同既技術文憑可以選擇，大概有28個技術文憑，其中有3分1既技術文憑係符合魁北克省既經驗類移民項目 PEQ ( Programme de l’expérience Québécois)，而且喺魁北克省係比較容易揾到工，跟住小編就先講講當地暫時係最渴市既藍領同白領既工作。

先講兩份藍領既工作，第一份係汽車維修員 (Automobile Mechanics)。

相片來源: 互聯網

一到夏季同冬季交接既時候，喺魁北克所有既車房都係唔憂做，因為有大量既車主都要換軑，而喺魁北克，基本上每家人都會有一部車，計計條數，淨係換軑既生意都夠做，仲未計其他維修服務，所以根據當地既揾工 agent 講，現時魁省既車房，每間都起馬可以請多 1 至 2 個人。至於人工方面，平均年薪大概係5萬7千蚊加幣，即港幣約34萬。

相片來源: 互聯網

第二份就係焊接工 (Welding & Fitting)，我地就俗稱為「焊工」。大家一聽見呢個名，就一定覺得係男士既職業，無錯，喺香港，大部份焊工都係男士，但係喺魁北克省就50/50，即係話喺魁北克省有男焊工，亦有女焊工，原因好簡單，就係「人工高，福利好」。喺魁北克省做焊工，每年既平均收入大約係5萬7千蚊加幣，為返起港紙計係等於大概34萬港幣。

可能你覺得汽車維修員 (Automobile Mechanics) 同焊接 (Welding & Fitting) 既人工唔算係好高，但係喺魁北克省就真係算高收入，而且呢個人工喺魁省仲好好駛添。可以比大家參考一下，喺魁北克省既市中心，一個一廳兩房既 Apartment，售價大概係30至40萬加幣，基本上做2、3年呢兩類工作，就儲夠首期，有女士入行又真係好正常，亦正正因為呢類技術人員非常短缺，老闆對佢地都會特別好，因為驚「有工無人開」。

汽車維修員 (Automobile Mechanics) 同焊接 (Welding & Fitting)，呢兩個專業技術文憑係符合魁北克省既經驗類移民項目 PEQ ( Programme de l’expérience Québécois) ，所以近期都有唔少人去報讀呢兩科，因為佢地覺得畢業之後唔愁無飯開，做返兩、三年，仲可以喺魁省既市中心買返層樓，你話幾好呀。

下次小編就講下兩份符合PEQ嘅白領工作，啱晒有創意又比較鍾意做文職嘅朋友。想知係咩專業技術，記得留意住我地嘅Blog post啦！

 

聯絡資料

IFP Holdings Limited

Tel.：3586 8777

Website：https://www.ifpholdings.com

Facebook：https://www.facebook.com/ifpholdings/

YouTube：https://youtube.com/c/IFPHoldingsLimited

免責聲明：本公司uFinance Hong Kong Limited只負責提供學生貸款申請服務。本網頁所提供的資料只作參考用途。 對於本網頁所載任何關於IFP Holdings Limited 恒富移民 計劃資料的準確性及完整性，本公司一概拒絕承認任何隱含的及/或明示的保証，並且不會就此作出任何陳述。對於因使用IFP Holdings Limited 恒富移民的計劃或依賴本網頁的資料或任何網頁上載錄或與網頁連線的任何東西，包括但不限於任何錯誤、誤差、遺漏、或侵權性質、誹謗性質或虛假性質的信息或任何其他可導致冒犯或在其他方面引致發生任何追索或投訴的資料或遺漏，而導致之任何損失或損害，本公司概不承擔任何有關責任。

閣下瀏覽及使用本網頁，即代表閣下經已確認及接納閣下須就本網頁的使用，自承風險。 對於任何因使用、瀏覽或無法使用本網頁而產生的直接、間接、附帶、相應而生、特別、懲戒性或懲罰性的損害或有關損失利潤或損失收益的損害賠償，本公司概不承擔任何責任。