校園Guide

上篇同大家簡單介紹咗喺蒙特利爾有個長32公里嘅地下城RÉSO，今次就等我講下呢個地下城有咩咁特別，可以每日令50萬人出入所有地下城連接嘅大廈同建築。 

上回提要：【恒富移民特約】蒙特利爾有咩娛樂？32公里長蒙特利爾地下城你又聽過未？

32公里長嘅蒙特利爾地下城，有多條隧道連接住幾間大型購物廣場同百貨公司，比較有特色又受歡迎嘅商場有Les Cours Mont-Royal、Place Montreal Trust、Eaton Center、Le 1000 de la Gauchetière、Centre Bell等等，喺蒙特利爾生活完全唔需要擔心「無娛樂」呢個問題。首先簡單講下呢幾個購物商場有咩特別啦！

連接Peel地鐵站嘅Les Cours Mont-Royal被稱為蒙特利爾地下城最靚最華麗嘅購物廣場。喺20世紀早期，呢度原本係皇家山酒店Mont-Royal Hotel，當時有千幾間房，亦係當時所有英聯邦國家中最大嘅酒店，依家就變咗高級購物廣場，更有唔少高級品牌都進駐呢個Mall、例如McQ Alexander McQueen、Prada、Ted Baker、Ralph Lauren等。呢個廣場最大嘅賣點係喺穹頂天花有盞壯觀又有氣派嘅豪華吊燈，令成個廣場嘅奢華感倍升。除咗Shopping之外，打卡一流！

 

 

而喺Les Cours Mont-Royal隔離嘅Place Montreal Trust，就有全加拿大最高嘅室內噴泉。單單喺Montreal Trust已經有70幾間時裝店同餐廳，行返上地面就可以出返去Old Montreal區同Place des Festivals戶外慶典廣場。

 

Place Montreal Trust再行過啲就係五層高嘅Eaton Centre，連接McGill地鐵站。呢度除咗有近200間店舖之外，仲有 Time Out Market、Food Court同The Musée Grévin Montreal 蠟像博物館。由於地下城實在太大，好多居民如果淨係夠時間行一個購物廣場，好多都會揀Eaton Centre，因為呢度又夠多唔同類型嘅品牌又夠集中。

 

一到夏天，Le 1000 de la Gauchetière就會特別人山人海，因為呢度有個室內溜冰場，好多居民都會嚟消暑，涼爽下之餘又可以做下運動。另外，呢度不時都會舉行冰球比賽，吸引唔少一家大細嚟欣賞，見識下加拿大著名冰球比賽嘅熱鬧氣氛。

 

蒙特利爾地下城就好似一個小社區咁，除咗時裝店、餐廳、博物館、戲院、溜冰場之外，仲有一個藝術廣場Place des Arts。Place des Arts係一個大型文娛藝術綜合場地，呢度有6個音樂廳、一個現代藝術館同既先進又現代化嘅藝術長廊，不時都有音樂會同藝術展覽喺廣場舉行。當然喺蒙特利爾呢個藝術設計之道，唔只藝術廣場先有藝術品睇，其實喺蒙特利爾地下城各處都可以搵到唔同嘅藝術品同畫作，所以唔好以為呢度淨係可以Shopping同食嘢，唔少人會係地下城打卡影相㗎！

 

好多人考慮移民去蒙特利爾嘅時候都會怕呢度悶，怕無娛樂。但其實呢度就算冬天外面天寒地冬，喺蒙特利爾住耐咗都唔會影響你出街嘅心，因為好多人都會揀嚟蒙特利爾地下城行街，又可以Shopping又可以High Tea，仲可以睇戲睇冰球比賽、欣賞音樂會同藝術，一次過滿足你N個願望！

聯絡資料

IFP Holdings Limited

Tel.：3586 8777

Website：https://www.ifpholdings.com

Facebook：https://www.facebook.com/ifpholdings/

YouTube：https://youtube.com/c/IFPHoldingsLimited

免責聲明：本公司uFinance Hong Kong Limited只負責提供學生貸款申請服務。本網頁所提供的資料只作參考用途。 對於本網頁所載任何關於IFP Holdings Limited 恒富移民 計劃資料的準確性及完整性，本公司一概拒絕承認任何隱含的及/或明示的保証，並且不會就此作出任何陳述。對於因使用IFP Holdings Limited 恒富移民的計劃或依賴本網頁的資料或任何網頁上載錄或與網頁連線的任何東西，包括但不限於任何錯誤、誤差、遺漏、或侵權性質、誹謗性質或虛假性質的信息或任何其他可導致冒犯或在其他方面引致發生任何追索或投訴的資料或遺漏，而導致之任何損失或損害，本公司概不承擔任何有關責任。

 

閣下瀏覽及使用本網頁，即代表閣下經已確認及接納閣下須就本網頁的使用，自承風險。 對於任何因使用、瀏覽或無法使用本網頁而產生的直接、間接、附帶、相應而生、特別、懲戒性或懲罰性的損害或有關損失利潤或損失收益的損害賠償，本公司概不承擔任何責任。