校園Guide

有一段美好嘅愛情係人生中嘅一個小確幸嚟，有相愛嘅伴侶可以同你相伴。但有啲時候，為咗維繫一段關係，好多人可能會花盡心思妥協同埋作無謂嘅付出只求重拾最初的幸福，但反而令自己逐漸凋謝。雖然有啲可惜，但其實唔係所有嘢努力就有回報，有時狠心啲將唔啱嘅人同事踢出自己嘅生活可能會有意想不到嘅收穫呢～

 

1.你不斷被要求「一定要改變」

感情應該係雙向奔赴嘅，真正愛你嘅人其實唔會因為你有嘅缺點而唔再愛你。我知道愛你嘅人一定會想你更加好，但係無人係要「必須」做改變，好多事情感交流同埋付出都應該係雙方舒服而且願意嘅情況下先至係好事。如果伴侶一昧咁要你改變而唔顧你感受，其實都係一個幾自私嘅行為。

2.你唔係真正嘅快樂

一段健康嘅感情帶俾你嘅應該係美好同埋自信嘅，當你發覺呢份感情開始蠶食你嘅自信、活力、你感受生活嘅動力。你開始懷念當初嘅美好、對於而家嘅狀態感到挫敗，你就要果斷啲愛自己，無人值得你剝奪自己嘅快樂。有啲美好同埋人或者只適合留喺過去，斷捨離雖然係痛苦，但會為你帶來更多嘅美好。

3.身邊嘅人開始擔心你

雖然話感情係兩個人之間嘅事，唔應該被外人嘅意見影響。但有時「旁觀者清」呢句說話唔係無道理嘅，當你投入一段感情嘅時候，你個人嘅狀態同埋生活其實都會受到影響。而呢啲影響究竟係正面定係負面，身邊嘅屋企人／朋友都會看在眼內。所以如果你嘅生活狀態同情緒都去到一個令身邊人擔心嘅程度，你就要認真考慮下呢段感情究竟仲係咪健康。

4.對方根本唔重視你哋之間嘅承諾

一個成熟嘅人喺給予承諾之前會先衡量自己的能力，會因為做不到而拒絕，但唔係信口開河亂咁應承。所以如果係咁違背承諾，其實代表佢對於你嘅事無你Expact咁上心。有時我哋可能會逼對方承諾，但其實對方根本不想做呢啲事，就算勉強都唔會係真心實意。所以唔好自欺欺人，當覺得對方同自己之間唔會有connection嘅時候，放手其實都係放過自己。

5.對方同異性曖昧不清

異性朋友每個人都有，呢個唔係一件唔好嘅事。但一個成熟嘅人會有自己嘅底線，對於有伴侶嘅人同異性朋友之間點都應該要有界線，呢個係比伴侶最基本嘅安全感。朋友同曖昧對象嘅分區別，大家作為成年人其實都心知肚明。但打住「朋友」旗號，但做盡一切曖昧行為仲要怪責你胡思亂想嘅伴侶，其實唔值得你浪費時間教佢哋何謂珍惜。