校園Guide

拍拖耐左，相處時間長咗，情侶之間多多少少都會產生摩擦，令到你覺得「熱戀期」過咗。雖然又唔係話唔鍾意對方，但係好似做咩都冇咗當初嗰種衝勁。究竟要點樣先可以令熱戀嘅感覺持續得更長時間呢？今日就為大家分享5 個維持熱戀嘅方法，希望大家都可以同另一半過一個好Sweet嘅2022！

 

1.多注意另一半的優點

人總有缺點，如果你經常淨係執著對方呢樣做得唔好嗰樣做得唔好，為嘅就係下次鬧交嘅時候可以理直氣壯一啲嘅話，咁樣或者會本末倒置。預期注意另一半嘅缺點，不如留意或者發掘多啲對方嘅優點，咁樣可能可以令你地減少鬧交嘅機會。

 

2.站在對方立場想

如果鬧交嘅時候，係你指責對方之前，你可以試諗下如果當你講呢啲說話或者做呢啲舉動嘅時候，對方會有咩感覺？咁樣對成件事有冇幫助？然後你可以同對方溝通，清清楚楚話比佢聽希望佢可以點樣改善。

 

3.理性地進行溝通

其實通常小爭咬係唔太會影響感情，但如果將呢啲小爭咬儲埋好耐，遲遲都解決唔到，咁雙方係時候要靜靜坐低理性地進行溝通。

4.要為對方付出

感情係雙方嘅，唔可以淨係得其中一方付出。唔可以將對方為你坐嘅嘢變成理所當然，例如「佢係我男朋友，食飯買單係佢嘅義務」。對方為你付出嘅同時，你都要為對方付出，等對方知道你係愛佢。所以請珍惜同感恩對方為你做嘅每一件小事，因為都係帶著愛的。

 

5.每日做一件能令另一半微笑的事

就算在一起耐咗，都可以為對方做一啲意想不到嘅事，係日常生活中準備驚喜。例如，準備小花束、買下對方鍾意食嘅嘢，驚喜唔需要大，真正重要的嘅係呢啲體貼嘅舉動可以令你地嘅愛情持續升溫。