校園Guide

曖昧嘅時期係最Sweet，但係曖昧期太長由會令人好困擾！如果你想同心儀對象突破曖昧期，你就需要知道以下6個突破曖昧期的關鍵！想突破曖昧關係，你就要主動啲先得啦！

 

1.鍾意就自己追

如果你心儀嘅對象咁啱係木獨男，你唔主動踏出第一步嘅話，我諗你嘅曖昧期肯會冇了期！所以有時主動唔一定係男仔嘅專利，女仔做主動也未必是件壞事！有時要表現得明顯一啲，等對方感受到你對佢係有好感，如果佢get到，可能就會鼓起勇氣來追你呢！

 

2.了解對方嘅興趣

要得到對方嘅心，梗係要捉住佢嘅興趣先得！試下去了解對方嘅喜好、興趣，又唔洗咁深入去了解，至少傾計嘅時候可以同對方有共同話題，咁樣對方對你嘅印象分都加咗唔少！

 

3.對話時一定要有眼神接觸

「眼神交流」先係最令人心動！透過眼神可以明顯比人人知道你對佢係咪有好感？所以對話時一定要有眼神接觸，就算怕羞你都要！唔洗就錯過其中一個突破曖昧期的關鍵啦！

4.對話內容要深入

Flirt人係曖昧期必要的，但千祈唔好淨係掛著Flirt，因為對方會覺得你唔認真！有時都需要有深入一啲嘅對話去瞭解大家，同時令佢覺得你係可以傾計嘅對象，咁樣佢對你嘅印像分又多咗啦！

 

5.主動製造見面機會

成日都淨係用Whatsapp傾計，就算傾得再開心都總係差啲。所以製造更多見面嘅機會，先可以令兩個人嘅感情升溫。可以約對方去野餐或者睇戲等等，自然得嚟又不會太刻意～

 

6.自然又唔過分嘅身體接觸

令人緊張又心動嘅梗係要靠「身體接觸」！但係要「唔覺意」先加分，太過刻意嘅反而會破壞咗成件事！簡單輕輕拉下衫尾或者拍下對方手臂，唔好太過做作，你地距離突破曖昧期又近咗一步啦！