校園Guide

成世人流流長，總會遇到幾個＿街，深信睇到依篇文既你地都一定有一半人以上經歷過依樣野，沉錯船比人玩弄感情真係好慘呀，今日等我同大家一齊圍下爐啦，一齊數下依班player到底有咩招數!

忽冷忽熱

來去如風既佢地，一開始對你總會有無盡既熱情，秒覆message噓寒問暖依d已經不在話下，令到你有錯覺覺得對方好似真係對自己有興趣，再不自覺慢慢沉船，但多數依種熱情都係有時限既，就係你沉船個一秒，佢就唔理你啦，因為依個game已經唔再好玩

好忙呀

係囉，岩岩識你個陣又唔忙嫁喎，唔知點解ｄ工作量係會隨住我識你既時間而增長咁神奇嫁，不過忙都唔緊要，有冇心依下其實好易feel到，所以如果大家見對方忙完都冇主動同你再傾計去關心你，你要知咩事啦

出街不經意既身體接觸

佢真係好體貼嫁，又餵我食野，凍又比件外套我著，仲有呀，佢擔心我夜媽媽一個人危險仲送我番屋企添呀，咁佢一定係對我有意思啦！sorry呀bb依d只係佢地一貫既做法，只可以講佢地太識玩太清楚做d咩會令對方沉船啦

你只係the one但絕對唔係the only one

正當你地flirt到咁上下，以為自己今次實同對方出pool既時候，有冇諗過其實對方個chat list入面唔係剩係得你呢？傻豬你只係佢其中一個選擇黎嫁咋，唔好ff太多啦，漁翁撒網願者上釣嫁咋，得閒無聊咪同你傾兩句囉，秒回你都唔代表對方真係好上心，只係可能個刻佢好悶想搵人解悶咋！

祝福睇到依篇文既大家，都可以搵到一個好鍾意你，好錫你既另一伴，遠離依班情場Player