校園Guide

有人話頭髮係女仔嘅第二塊面，擁有一把柔順而又有光澤嘅秀髮的確可以為你成個人嘅外型加分不少！但係喺洗護嘅過程入面，有一啲小習慣，可能會喺不經意間傷害頭髮，破壞你的護髮效果。今日小編就為大家收集咗6個護髮時應留意嘅禁忌，想注意唔好踩雷？睇落去啦～

1.洗頭時水溫過高

好多人沖涼洗頭嘅時候都會鍾意用較熱嘅水（小編都成日用滾水沖涼咁濟），因為覺得只有水嘅溫度高先足夠將頭髮洗乾淨。但原來太熱嘅水係會損傷頭皮同埋毛囊，會令你嘅頭皮出油更嚴重。所以記住用略高於體溫的40℃左右水溫洗頭就已經足夠啦。

2.洗頭後用乾毛巾反覆揉搓頭髮

洗完頭用乾毛巾抹頭髮好似係沖涼後常見嘅程序，但其實頭髮濕潤嘅時候頭髮系好脆弱ga，用乾毛巾抹頭不單只會帶走頭髮上的水分，也都會損傷毛鱗片，導致頭髮變得毛躁同埋無咁順滑。所以正確嘅方法應該係用毛巾將濕頭髮裹住，然後輕輕拍干，而唔係「擰」干。

3.濕住頭髮訓覺／造型

作為繁忙嘅都市人，好多時翻到屋企沖完涼就想即刻攤上床訓覺，好容易會頭都未乾就訓著左…而朝早起身洗頭又可能會因為唔夠時間吹乾就濕住頭髮做造型。但原來咁樣係好傷頭髮ga！因為濕髮嘅時候，頭髮角質層處於膨脹狀態極易受損，如果要同枕頭之間摩擦／造型會導致角質層脫落，長久落去好容易甩頭髮，所以記住吹乾頭髮好重要！

4.唔注意防曬

面部、身體防曬大家就聽得多，原來頭髮都需要防曬大家又聽過未？曬太陽可以吸收更多維他命D,而且仲可以養成健康膚色，但紫外線其實會破壞頭髮結構，令頭髮變得枯燥而無光澤！所以想好好保養頭髮的話，不妨係曬太陽之前先噴一啲頭髮防曬噴霧，阻擋紫外線和高溫嘅侵害。

5.經常性扎起頭髮／戴帽

對於小編嚟講，戴帽簡直係懶人福音。當你趕住出門口／唔想洗頭嘅時候，只要笠頂帽／扎條馬尾就已經可以靚靚出門口～但原來呢啲懶人招數用得太多係會傷害頭髮ga嗚嗚，戴帽／扎頭髮太頻繁會加諸壓力喺頭皮上面，導致頭皮無法順利出油，最後令髮根變得乾燥。

6.長期用同一隻洗頭水

雖然遇到好用，cp值又高嘅洗頭水真係好似執到寶咁，令人下意識不斷回購。但頭髮就好似人嘅胃咁，長期食同一樣嘢都會厭！如果長期用同一款洗護產品，好容易會令你嘅頭髮對呢啲保養效果麻痺。所以定期發掘下啲新嘅洗護產品，先至可以發揮佢哋嘅最大功效喔～