【戲院終於開返】6套必睇好戲／UA新會員優惠
之前因為疫情嘅緣故，政府勒令戲院停開咗一段日子，最近終於開返戲院啦！有一排無睇戲，突然有多咗咁多電影上映，小編mark咗6套必睇嘅戲，有一半都已經睇咗，有無你地心水？另外，UA推出新會員優惠，想知就繼續睇落去啦。
叔叔
上映日期：2020年5月28日
本地影壇罕有題材：近年同志片都有唔少，例如《翠絲》，但年老同志嘅情感關係甚少觸及。
香港電影金像獎兩大獎項：除咗一致好評，太保仲獲得最佳男主角以及區嘉雯獲最佳女配角，絕對有看點。
幻愛
上映日期：2020年6月6日（優先場），2020年7月2日（公映）
純愛片：雖以精神病為題材，並非focus精神病人嘅痛苦，香港純愛片買少見少。
《十年》導演：其中一個吸引小編睇《幻愛》嘅原因，係導演周冠威同時係《十年》嘅導演。
獲獎、提名無數：蔡思韵獲得第26屆香港電影評論學會大獎、第3屆最港電影大獎最佳女演員，亦獲第39屆香港電影金像獎最佳女主角提名；劉俊謙獲得第26屆香港電影評論學會大獎、第3屆最港電影大獎最佳男演員，亦獲第12屆香港電影導演會年度大獎最佳新演員。
戲棚
上映日期：2019年12月20日
傳統工藝文化：戲曲絕對係香港傳統藝術，捕捉戲棚嘅文化美，非常本土。
金馬獎、香港電影金像獎提名：榮獲提名金馬獎最佳紀錄片、第39屆香港電影金像獎新晉導演。
對不起 錯過你
上映日期：2020年3月19日
對工作嘅反思：電影實在地描繪資本主義壓榨勞工階層，抗議社會不公，小人物嘅故事更可以套落香港打工仔嘅身上。
康城影展金棕櫚獎提名：《我，不低頭》導演堅盧治，再獲康城影展金棕櫚獎提名。
孤城淚
上映日期：2020年5月21日
代入香港處境：警察濫暴劇情、社會制度問題，或多或少令我地諗起香港嘅情況，睇電影嘅時候更能代入。
金球獎提名：獲得金球獎最佳外語片提名，絕對有看點。
大象席地而坐
對生存嘅無力感：對生存嘅無力感，相信你同我都有過，呢套電影正正表達生活嘅灰暗，感染力好強，究竟我地仲可以做啲咩？
榮獲金馬獎、香港電影金像獎：第55屆金馬獎最佳劇情片、最佳改編劇本，香港電影金像獎最佳亞洲華語電影（睇《大象席地而坐》前，幾希望《返校》拎最佳亞洲華語電影，講自由、作為香港嘅啟示錄、電影歌曲填詞人又鼓勵香港人，睇完《大》之後就覺得佢拎得起呢個獎）。
UA新會員優惠
UA推出新會員優惠！！HK$120入會UA即送2張戲票
– 生日戲票1張(將於生日當天以電子優惠券形式發送至會員帳戶，有效期為生日起計30日)
– 以迎新1,200積分兌換750 / 1,000積分2D戲票1張
大家可以親臨UA戲院售票處，或者經由UA網站或UA App，兌換UA戲院嘅2D戲飛〜
延伸閱讀：
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
