校園Guide

聽講財爺今年派糖派「＄5000電子消費券」，仲要分開每個月派$1000，仲要仲要每一期清零，姐喺冇得儲起要每個月用咗佢。咁多限制嘅電子券，究竟可以點用呢? 就等小編推薦4大至抵用途啦！

 

1. Apple Store gift card

每年Apple都出新野大家都心郁郁想買想買，咁買 Apple Store嘅gift card就啱哂啦！ 只要上官網／到便利店就可以買到，而且Apple Store gift card每次最多可以合用8張，仲不設限期，姐喺你想等哂5個月嘅$1000先用都得！雖然佢唔可以同其他優惠一齊用，例如Apple Back-to-School優惠，但可以原價比少＄5000都扺啦！

P.S Apple Store gift card 僅限於當地使用，即喺香港買嘅Apple Store gift card只限香港境內使用。

 

2.  Staycation露營車

而家仲未去得旅行嘅各位，想扮去旅行都喺去下酒店同班friend staycation，大家通常都係平平地book啲幾百蚊酒店，有個地方玩就算。平時想去玩一晚露營車又太貴，而家有呢＄1000蚊電子券就啱哂啦！終於可以去Glamping可以再逼真啲咁扮去左旅行啦各位！

3.幫襯本地小店

愈嚟愈多年輕人都選擇創業去開一啲特色嘅文青小店，例如飾品店，自家製衣服什至喺工作坊，大家可以去支持本土小店買特色野做文青！如果想知道更多香港小店，可以去Aphrodite 捕捉塵世美睇下香港小店地圖去發掘更多呢個城市嘅角落。

 

4.幫襯社區小店

每個人心目中都會有一間雜貨鋪～其實消費券嘅原意喺振興本地消費市場，雖然而家好多地方都被大型連鎖店攻陷，不過都唔好忘記嗰啲喺屋企附近陪住你大嘅小店。佢地可能無連鎖店咁方便一應俱全，未必跟得上潮流。但正正喺呢啲鋪頭，先至最需要大家去幫襯振興，一齊捱過經濟低迷嘅時刻吧！

 

電子券最快喺今年暑假就有得申請啦！ 記得電子券喺攞嚟支持香港的經濟，所以佢地不適用於海外商戶、無商業登記嘅網店、交水電等等。