校園Guide

香港地家居空間細，邊有咁多地方擺衫！所以收納嘅方法真係好緊要，平時見啲日本家庭主婦可以將啲衣物擺放得靚一靚，又整齊，如果自己屋企都做到就好。以下一啲衣物收納小敝步，放假嘅時候可以整理一吓，將房間煥然一新。

 

口袋式摺衫

呢一個摺衫方法，係將上身衫對摺之後塞入衫尾或者領口嘅「口袋」，好處係成件衣物點擺都唔容易散開，放便拎出黎同放入去。適用於放入櫃桶嘅上身衫，包括短袖衫、長袖衛衣，甚至針織衫，背心就應該唔適用啦。

步驟如下：

1／首先，將件衫打直對摺至下圖。

 

2／從衣領開始向內對摺，對摺到超過一半，之後衫尾都向內對摺。

 

3／將上半摺嘅部份塞入衣尾嘅第二層。

 

4／搞掂！摺完就係咁嘅樣。詳情可以睇「省空間衣物收納整理術」影片。

 

長褲直立式摺法

褲都可以同上面一樣嘅摺法，不過短褲咁短就普通摺法即可。

步驟如下：

1／對摺，將褲浪位收入去。

 

2／從褲腳位開始一層一層向內對摺，褲頭亦向內對摺。

 

3／同樣地，將褲腳部份塞入去其中一格褲頭，咁就大功告成。具體點做可以睇「省空間衣物收納整理術」影片。