校園Guide

加濕器係近年嘅必備家品！因為香港潮濕嘅天氣令唔少人都長期stay係冷氣房，但經常吹冷氣會抽乾皮膚水份，所以家中都必備加濕器，令皮膚無咁乾！但係你又用得啱唔啱？今日分享嘅5個加濕器常犯錯誤你隨時都中！快啲睇下你有冇用錯！用錯就快啲改啦，隨時影響你健康啊！

 

1.冇清潔加濕器

專家建議加濕器最少少每三日就要洗一次。最簡單嘅就係用是梘液同溫水清洗加濕器內嘅水槽，將水槽積聚嘅雜質清乾淨。但唔好用刺激性嘅化學清潔劑。

 

2.加濕器內放水龍頭水

水龍頭水嘅硬度較高，含有礦物質，將水龍頭水加入加濕器，會對加濕器造成損害，同時會將水中微生物同分子打散，隨住霧氣污染空氣，甚至令你吸入細菌！所以要防止吸入多餘雜質，最好用戶蒸餾水，減少對肺部的損傷！

 

3.無時無刻都開住

唔少人會係房長開加濕器。不過當空氣濕度過高，容易令人心悸胸悶，甚至呼吸困難。亦有可能引發哮喘以及支氣管炎等疾病。所以專家建議加濕器唔可以長開，隔幾個鐘就應該停一停，最好室內濕度維持在50%以下。

4.放係電腦附近或床邊

其實加濕氣個水霧可能會影響電器內個零件，同時會令木製家具受潮，導致發霉。所以最好將加濕器放在家具電器1米以外，同時放在離地1米嘅平面上。

 

5.加濕器對住自己

加濕器係唔可以向住自己正面吹，因為霧氣會令你感到呼吸不適！應該將加濕器放係你個側面。