校園Guide

最近Omicron肆虐，香港迎來咗第五波疫情。係連續幾個月冇本地確診嘅香港，唔知大家有冇對於防疫放鬆咗？返到屋企仲有冇洗手、用消毒用品清潔隨身物品？如果你已經冇做，咁你可能就要Pick Up返啦，因為最近疫情又反彈啦！所以今次懶人包就教大家清潔5個常用清潔隨身物品嘅方法！

 

1.手機

手機係最污糟，一定要每日清潔。將少量酒精搓手液噴係紙巾或者眼鏡布上面，然後拭擦手機熒幕以及機身，再抹乾，咁樣可以清除依附係手機表面嘅病毒和細菌。

 

2.外套

   

依家天氣凍，外套係出街必備。但係外套咁大件，真係好難每著完一次都擺入洗衣機洗。所以可以用濕布簡單抹一抹外套表面，或者將一塊濕布放在外套上，然後用熨斗熨一熨，利用高溫殺菌。

 

3.衫/褲

每次出街都會周圍坐周圍挨，衫褲都會依附好多病毒同細菌。如果想清潔的更好每次嘅洗衣機洗衫嘅時，可以落少少滴露，用來殺菌。

4.鞋

鞋係一定會沾有好多病毒細菌，尤其鞋底，所以最好都係入屋之前就除鞋。建議洗門口放定一支70%消毒火酒，然後入屋後就馬上項鞋底噴消毒；又或者可以係門口嘅地毯噴1:99稀釋漂白水，入屋之前踩一踩殺菌。

 

5.眼鏡

眼鏡最容易有機會接觸到其他人噴出嚟嘅飛沫或者空氣中的病毒細菌。所以建議大家入屋洗手嘅時後順便清洗埋眼鏡，用有梘液嘅雙手塗抹和輕洗眼鏡，再用水沖乾淨。