校園Guide

呢排愈嚟愈多品牌以盲盒去推出新產品，除咗有專做盲盒嘅公司Pop Mart之後，唔少品牌都開設盲盒產品，例如迪士尼、lulu豬等。究竟盲盒點解咁受歡迎呢?點解買盲盒會上癮? 

1.盲盒究竟咩嚟?

盲盒喺指一個盒裝住各式各樣嘅手辦，買之前無法通過外觀去分辨盒入面裝住啲乜，淨係知道成個系列嘅款式。消費者只有打開先會知自己最後買左啲咩。 盲盒嘅概念類似福袋同扭蛋嘅結合體，福袋喺無法知入面會有啲乜，主打「神秘感」。扭蛋喺知道款式和外觀，主打「隨機性」。而盲盒就喺知道有咩款但要盲抽，外加「緊張感」。

2.點解盲盒咁受歡迎?

盲盒嘅市埸主打女性，女性消費特徵大多喺感性、主動為主。女生都鐘意收集東西，盲盒手辦造型可愛，加上由揀買邊一盒到拆開嘅整個消費過程，都喺不斷增加消費者嘅緊張感、期待感。呢個點正正喺命中女性消費所期望嘅心理。

盲盒市場更新得快、款式愈嚟愈多，往往都會有令人心動嘅手辦。而且，只需要一隻角色換系列／換衫就可以了。呢種換少少野嘅心態往往都會令消費者更加想擁有。例如lulu豬，原本只喺得唔同動作嘅手辦，而家已經顯生到有魔法版、櫻花版、運動版等。

3.點解買盲盒會上癮?

盲盒通常都以「主題系列」嘅設計，一般嚟講，一個系列嘅盲盒大約出6-7款。因此當消費者抽咗一兩個之後，都會有種「不如儲哂成個系列，一家人齊齊整整，等啲手辦唔好咁孤單」嘅欲望。假使抽中心頭好，會產生好大成就感。但正所謂，愈想要會愈得不到，結果就會不斷不斷買，陷入死循環。

況且，一個盲盒嘅價錢唔貴，意味住消費者可以以低成本去得到快樂、滿足同驚喜。但由於盲盒入面嘅隱藏款抽中機率低，往往消費者都想抽到。即使抽唔到，心入面都會形成一個思「反正唔貴，都唔差在買多個」。最後，就會發現投入咗過多嘅金錢喺盲盒上。