校園Guide

人體有60%至70%係水，我們可以10日唔食飯，但唔可以3日唔喝水。個個都話見字飲水，但你又識唔識飲水呢？每日飲8杯水原來係唔準？咁每人要飲幾多水呢？咖啡、汽水又計唔計呢？

 

每人身體需要嘅水份都唔同

事實上，每人身體需要嘅水份都唔同。以一般情況計算，每公斤體重需要約30ml水份。以體重50kg為例，每日就需要攝取大約1500ml水份，即係最少 6 杯水，先補充到身體基本需要。

 

參考方程式：

體重（kg）X 30（ml）÷ 250（ml）= 每日建議飲用量（杯）

 

考慮埋其他影響身體排水嘅因素，例如流汗、排尿等等，人體一日正常飲水量應落喺2000 – 3000ml。如果本身容易流汗或者工作場合好悶熱嘅人，每日飲水量上限甚至去到3500ml。

 

飲水量並非淨係計「飲用水」

建議嘅水分攝取量係指「總水量」，並唔單指「飲用水」，從飲用水、咖啡、牛奶、汽水、湯等飲品到食物都含有水份。

 

 

飲水嘅時機同好處

明白每日嘅水分攝取量之後，究竟我地點攝取水分先最好？喺啱嘅timing補充水分，先補得到位！採取嘅飲水方法應該係「少量多次」，每次飲水量唔好超過200ml，一小時內飲水唔超過1000ml，以免身體受到負擔。

1. 每日起身之後

人體喺睡眠嘅時候，身體會流失水分，每日起身之後喝一杯200ml嘅溫水，可以促進腸胃蠕動，排出毒素，預防便秘，仲可以去水腫。

2. 食飯前

飯前飲用大約500ml水份，增加飽腹感，令進食嗰陣唔會攝取過量食物及熱量，同時加強血液循環。

3. 運動前、期間

運動前大約 3 – 4個鐘，分開飲用 480 – 600ml水分。運動期間，可以每15 – 20分鐘飲用90 – 240ml水分；運動量大或者運動屬於高耐力，飲嘅份量就要多少少。雖然補充水分好重要，但運動期間每小時唔好飲多過1000ml水分。

4. 臨瞓前

臨瞓前飲1小杯水，有助減低因身體缺水而令血流較慢，避免誘發心血管疾病同促進血液循環。

 

延伸閱讀：