校園Guide

講起廟街，相信大家都唔陌生。大家第一時間聯想到嘅係廟街嘅一樓一鳳？大排檔煲仔飯？定係一排排嘅睇相占卜檔呢？今日就等小編講下廟街嘅睇相占卜文化啦！

舊時廟街占卜

 

近年廟街占卜

 

廟街占卜當然唔係近年先岀現，早係幾十年前已經有睇相占卜檔，當時只有一張枱、枱燈，再早期甚至係地攤同火水燈！唔似得依加會有一個個蓬。由一開始中式占卦、睇相，到西方文化嘅塔羅牌湧入，依加有不下三十檔嘅睇相占卜，咁唔同種類嘅占卜到底有咩特別呢？

1/ 塔羅牌

塔羅比人一種好神秘嘅感覺，內容大多傾向預知未來幾個月嘅事。雖然聽落好似鬼神學說，但其實反映咗問卜者潛意識層面嘅事物。如果心中有好大嘅困惑，或者塔羅都可以比到一啲方向你去解決問題。

 

2/ 中式命理

中式命理檔較多睇面相、手相、八字、紫微斗數等等。通常行過廟街，都會聽到師傅話「靚女/靚仔，你過嚟我贈你兩句！」，有一種要比師傅睇到自己嘅命運同人生命格嘅感覺。如果你對人生充滿好奇，想知自己第時條路點行，都可以去睇下，聽下師傅建議。

 

3/ 雀仔占卜

據說用動物占卜已有過千年歷史，而雀島嘅民間占卜係宋朝興起，師傅會先問客人姓氏同想問嘅範疇/問題，客人揀選合眼緣嘅雀仔，再由雀仔抽岀籤文，最後由檔主解說。而雀仔品種主要為文雀。小編親身試過幾次都覺得真係幾準！

 

上述嘅內容都係想帶岀廟街占卜獨突嘅文化，並唔係叫大家盡信占卜內容，命運嘅抉擇始終掌握係你手，無論占卜結果好壞，大家都應該以平常心面對。祝福大家新一年都會事事如意，心想事成！