校園Guide

平時喺ig見到咁多人去野餐，啲野食、環境同埋人都影到靚一靚。其實喺背後落咗唔少功夫，啲相加重咗filter先出得街架！今日就等小編話比你知野餐不為人知嘅辛酸啦！

 

1. 準備時間長

野餐必備元素緊喺草地同食物啦！揀選地點唔難，喺去到揀邊個位落腳先難呀！要搵一個唔曬、仲要乾嘅草地已經嘥唔少時間。除此之外，準備野餐嘅食材要用好多時間，每人整啲食物都唔惹少架！如果唔想親自整嘅話，仲要同班friend約早啲一齊去超市買野食。唔但只，就算落咗腳鋪好野餐墊，大家仲要手忙腳亂裝飾食物嘅擺位，拎啲小道具出嚟。呢一大堆嘅野餐前期工作已經花費咗好多時間。

 

2. 好多小昆蟲

野餐都喺一種接觸大自然嘅休閒活動，大自然就自然有昆蟲架啦！唔好以為鋪咗張野餐墊、噴咗幾下消毒噴霧就會冇事，啲昆蟲都喺會照嚟搵你架！直接爬嗰啲可以喺野餐墊邊緣防止佢地入侵，但識飛嗰啲喺防不勝防！始終喺戶外，有昆蟲喺一件無法避免嘅事，唯一做到嘅就只喺加倍留意。

 

3. 只為瘋狂地影相

當你擺好哂啲野食，就到野餐重頭戲－影相。唔好以為你喺ig見到嘅嗰一張就喺得嗰一張，其實喺影咗百幾張之後，千挑萬選先至會誕生咗ig嘅唯一一張相。喺呢段影相環節入面，你要準備各式各樣嘅 pose、單人影、小團體影、大團體影、唔同角度、唔同背景等等，影完仲要拍片同拍Boomerang。影哂仲未完架，仲要互相send翻啲相比朋友先完結呢個環節。通常影好哂相之後，大家都喺攰到草草完結埋成嗰野餐活動。

 

4. 野食變得唔好味

由搵地方、趕走啲蟲、影埋相，呢到都起碼要用上一個鐘。野餐要食嘅食物就喺太陽底下暴曬咗咁耐，佢哋到最後唔喺吹到乾哂就吹哂啲塵落去，啲食物緊喺唔好食啦！另外，小編就唔建議帶咁多零食去。因為零食嘅作用只喺打卡架咋，到最後冇人食之餘，仲要原封不動咁帶走。

 

嗱！講還講，雖然野餐準備時間又長，為嘅就喺嗰幾張相，不過小編都仲喺咁中意野餐架。搞咗一大輪先野餐咁先有成功感架嘛！