【食人Boss】 By屁孩︱ uFinance 大專學生資訊貸款平台

校園Guide

【食人Boss】 By屁孩

samantha | 09/10/2019

做個文人•投稿賺錢

暑假前夕，搵左份小學功課輔導班嘅工。原先諗住應該係份幾輕鬆易做嘅工，而自己又中意小朋友，應該幾好做。殊不知，有個好老細先係最重要的。去見工個陣，已經被老細嘅套路驚呆，大約6，7個人一齊面完試，留左我同另外2個人啦，跟住距叫我地試工，教下細路。教到一半，距叫左我地過去，就話可以啦，你地宜家可以走啦。甘有個女仔就真係走左啦，然後個女仔走左之後，個老細就叫我同另一個未走，諗住教埋個細路先嘅女仔，同我地講，喇，一叫走就走，距就唔會被請架啦。個一下，我真係覺得套路太深。? 真正開始做野之後，先知慘，衣份工完全冇問題，但個老闆真係好閪? 就算你冇做錯咩，距都會搵野話一話你，殺一殺你，又會係甘備說話你聽。重點係，距會要你做唔屬於你工作範疇嘅野，你唔識會話你點解可以唔識。（例如，我一個補習老師，要幫距計埋excel數，支出收入）我個時終於明，點解距入職同我地講，最緊要唔怕蝕底。雖然份工老細好令人唔想做，但小朋友令我好唔想走，但因為諸多原因，宜家都係辭左，真係好唔捨得班學生。