校園Guide

All Day Breakfast (adb) 幾乎喺每間cafe/餐廳都有嘅食品，但要做到高質就唔係咁易。有啲人就話有得自由配撘嘅adb最吸引，又有啲人話食adb最緊喺嗰蛋好食。計小編就話…緊喺材料夠大份好味啦！就等小編推介4間扺食All Day Breakfast嘅餐廳啦！

 

1. 包販子

雖然包販子喺一間主打賣特色「包」嘅cafe，例如咕嚕雞包、北京填鴨包等等，但呢到嘅abd絕對唔遜色於啲出名嘅cafe。佢有「沒有肉」、「菜與肉」和「乜都有」三款可供選擇，今次小編喺嗌咗「乜都有」嘅adb。分別有：大菇、腸仔、炒蛋、芝士、蕃茄、煙肉、茄汁焗豆、牛油果、沙律菜同埋治。最令人驚喜嘅喺牛油果同埋煙肉！牛油果喺原隻嘅半個，平時喺其他餐廳可能得幾片架咋！而煙肉喺一塊有厚度嘅煙肉，絕對唔喺一塊普通嘅薄煙肉，食過都覺得滋味！

地址：太子通菜街254號地舖

 

2. Café Heato海圖

位於屯門紅橋小巷角落嘅海圖喺一間隱世咖啡店，店面雖然小但勝在環境休閒寧靜。除咗咖啡好飲之外，佢地嗰adb都好好味而且賣相相當吸引。入面有薯角、香草腸、火腿、炒蛋、蕃茄、粟米、多士同埋沙律。呢到嘅烤蜜糖薯角香脆可口，為呢份早餐灌注咗生命！

地址：屯門虹橋青柏徑6號鹿苑16號舖

 

3. Blue Place Cafe

Blue Place Cafe嘅abd喺小編見過圖片同實物還原度最高嘅一間！有炒蛋、磨菇、牛角包、沙律、煙三文魚、腸仔同埋煙肉。呢到個炒蛋炒得好細好滑，一隻完全唔夠食呀！

地址：西環堅尼地城卑路乍街93-95號地下

 

4. Coffee Art

Coffee Art嘅adb好！大！份！小編一個人都食唔哂！入面有煙三文魚、牛奶炒滑蛋、香草雜菌、英式肉腸、雜菜沙律同埋多士。佢嘅多士有得揀綠茶／芝麼醬，今次小編揀左綠茶味多士，有特色而且綠茶味唔大濃。雜菌充滿牛油味，香草佈滿成碟adb，扺呢間cafe長期咁多人呀！

地址：觀塘成業街7號東廣場地下G46-G48舖

 

另外，Facebook有個群組叫「All Day Breakfast關注組」，入面會有唔少熱愛adb嘅網民分享佢地去唔同餐廳嗌嘅adb，什至仲會有網民自家煮架添！如果你心目中有其他心宜嘅餐廳，可以留低comment等小編去試下啦！