校園Guide

上次同大家睇過喺Amazon買手提電腦嘅注意事項，今次就教大家選購流程啦！

上回提要：【AMAZON迷思】買賣手提電腦攻略-下集

身處香港嘅你，過往喺Amazon e-shopping都要計埋運費、關稅等等，夾夾埋埋又要比多筆錢。而家Amazon好多產品都有「免費送貨至香港服務」，尤其係手提電腦等電子產品都可以免運費。所以今日就教大家用Amazon官方快遞到港，唔需要經順豐等快遞公司送上門。根據我呢位Hardcore Amazon購物用戶嘅以往經驗， Amazon官方配送體驗良好，送貨準時，平時買開幾千蚊攝影器材都未試過到貨損壞而要退貨！

Amazon官方快遞好處：

1. 直接送上門，唔需要到集運中心取件

2. 經官方物流較有保障

如果發現寄錯、包裝損壞等等，經Amazon官方追討退貨或退款會比較方便同容易。如果經集運的話，到貨後損壞甚至遺失貨件嘅風險較高，而且追討時有機會不被集運公司受理！

因為手提電腦算喺貴重物品，為咗防止損失風險，小編建議各位用番官方物流。

 

步驟:

1. 係amazon.com home page右上角建立新帳戶

2. 係「您的帳戶」，建立收貨地址

3. 返回「您的帳戶」，選擇付款方式，新增信用卡做未來付款用途

**建議用張有回贈同美元匯率較低嘅信用卡

設置後，大家可以開始買手提電腦啦！ 點先買到免運費嘅手提電腦呢?

 

購買須知！！！

Click入「手提電腦」嘅 產品頁面，要留意有冇以下元素：

1. 含有 “無進口手續費押金且免費送貨至香港” 字句

2. 含有“此商品可配送至香港” 字句

3. 有明確送達時間

4. 出貨地點及賣家為amazon.com

例子1 

例子2

例子2中，賣家唔係amazon.com但出貨地點係amazon，根據網上資訊，有機會造成保養失敗

 

選購完成後，按「立即購買」，再次確認以下資料正確無誤:

I. 所選嘅手提電腦型號及所有規格(CPU, RAM , GPU , SSD, Display)

II. 送貨地址

III. 電話

IV. 信用卡資料

V. 使用USD計算帳單

VI. 配送選擇

 

購買成功!

前往訂單再次確認所有內容正確無誤，如發現有錯需要更改或重購，立即取消訂單，並確保訂單已取消。

注意! 如果未能即時發現錯誤，一旦貨件出貨，就需要按退貨程序處理!!!!!!

 

查詢訂單

當貨件已出貨，你會見到佢經咩公司快遞，再去番所屬嘅快遞公司網站追蹤訂單編號就得啦！

教完點買，下次就會因應唔同用戶，推介一啲手提電腦比大家。